ଫୁଲବାଣୀ:ସ୍ଥାନୀୟ ସଭାଗୃହ ଠାରେ ଓଡ଼ିଆ ଭାଷା , ସାହିତ ଓ ସଂସ୍କୃତି ବିଭାଗ ଏବଂ କନ୍ଧମାଳ ଜିଲା ପ୍ରଶାସନର ମଳିତ ସହଯୋଗରେ ନୂଆଖାଇ ଦିବସ-୨୦୨୨ ମହା ସମାରୋହରେ ପାଳିତ ହୋଇଯାଇଛି। କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଫୁଲବାଣୀ ପୌର ପରିଷଦ ଅଧ୍ୟକ୍ଷା ସ୍ମିତାରାଣି ମହାନ୍ତି ଯୋଗଦେଇ ନୂଆଖାଇ ଦିବସ ସମ୍ପର୍କରେ ବକ୍ତବ୍ୟ ରଖିଥିଲେ। କନ୍ଧମାଳ ଜିଲାରେ ପ୍ରଥମଥର ପାଇଁ ପ୍ରଶାସନ ପକ୍ଷରୁ ଏଭଳି କାର୍ଯ୍ୟକ୍ରମ ଆୟୋଜନ କରାଯାଇଥିବାରୁ ଜିଲା ସଂସ୍କୃତିି ଅଧିକାରୀଙ୍କୁ ସେ ପ୍ରଶଂସା କରିଥିଲେ। ଅନ୍ୟତମ ଅତିଥିଭାବେ ଜିଲା ବରିଷ୍ଠ ନାଗରିକ ସଂଘର ସଭାପତି ଡ଼.ରାଜ କିଶୋର ବେହେରା, ସହକାରୀ ଜିଲାପାଳ ଦୀପ୍ତିମଣୀ ପ୍ରଧାନ, ବରିଷ୍ଠ କଳାକାର ଓ କଣ୍ଠଶିଳ୍ପୀ ଜଳନ୍ଧର ବେହେରା, ଖଜୁରିପଡ଼ା ପୂର୍ବତନ ବ୍ଳକ ଅଧ୍ୟକ୍ଷ ବୀରେନ୍ଦ୍ର କୁମାର କହଁର ପ୍ରମୁଖ ଅତିଥିଭାବେ ଯୋଗଦେଇଥିଲେ। ଅଶୋକ ମହାନ୍ତି ମଞ୍ଚ ପରିଚାଳନା କରିଥିବା ବେଳେ ଜିଲା ସଂସ୍କୃତି ଅଧିକାରୀ ଅକ୍ଷୟ କୁମାର ସେଠୀ ଧନ୍ୟବାଦ ଅର୍ପଣ କରିଥିଲେ।
ଏହି ଅବସରରେ ସୁନ୍ଦରଗଡ଼ ଜିଲାର ମୟୁରୀ ସାଂସ୍କୃତିକ ଅନୁଷ୍ଠାନ ପକ୍ଷରୁ ଯାତ୍ରା ଦେଖା ଓ ରସେଲ୍ କେଲୀ ଏବଂ କନ୍ଧମାଳ ଜିଲାର ଚକାପାଦ ବ୍ଳକ ଅନ୍ତର୍ଗତ କରୁକସକା ଅଞ୍ଚଳର ନୀଳଚକ୍ର ଯୁବକ ସଂଘ, ଟିଟ୍ରାପଙ୍ଗା ଅଞ୍ଚଳର ମା ଡ଼ୁମାଦେଇ କଳା ପରିଷଦ, ଟିକାବାଲି ବ୍ଳକ ଅନ୍ତର୍ଗତ ଉପରଖୋଲ ଅଞ୍ଚଳର ଆଞ୍ଚଳିକ ପଞ୍ଚଶାଖା ଓ ନଟରାଜ କଳା ମନ୍ଦିର ପକ୍ଷରୁ ନୃତ୍ୟସଙ୍ଗୀତ କାର୍ଯ୍ୟକ୍ରମ ପରିବେଷଣ କରାଯାଇଥିଲା।
Comments are closed.