ଫୁଲବାଣୀ: କନ୍ଧମାଳ ଜିଲା କ.ନୂଆଗାଁ ବ୍ଲକ ଅନ୍ତର୍ଗତ ବଣ୍ଡଗୁଡ଼ା ପଞ୍ଚାୟତ ଉପର କଙ୍ଗେରିକିଆ, ତଳ କଙ୍ଗେରିକିଆ, ମାହାଲିମୁଣ୍ଡା ଗ୍ରାମରେ ଅନୁମାନିକ ୧୨୦ ପରିବାର ବସବାସ କରି ଆସୁଛନ୍ତି। ଗ୍ରାମଗୁଡ଼ିକ ଜଙ୍ଗଲ ପାହାଡ଼ରେ ଘେରି ହୋଇ ରହିଥିବାରୁ ପରସ୍ପର ମଧ୍ୟରେ ଯୋଗାଯୋଗ ହୋଇ ପାରୁନାହିଁ। ଯେକୌଣସି ଜରୁରୀ କାମ ପଢ଼ିଲେ ନେଟଓ୍ୱର୍କକୁ ଅନୁସନ୍ଧାନ କରି ମୋବାଇଲ ମାଧ୍ୟମରେ ନିଜର କାର୍ଯ୍ୟ ବହୁତ କଷ୍ଟରେ ପୂରଣ କରୁଛନ୍ତି। ଯଦି କାହାର ଶରୀର ହଠାତ୍ ଅତ୍ୟନ୍ତ ଅସୁସ୍ଥ ହୋଇ ପଡ଼େ, ତେବେ ଆମ୍ବୁଲାନ୍ସ ସହ ଯୋଗାଯୋଗ ପାଇଁ ବହୁତ ଅସୁବିଧାର ସମ୍ମୁଖିନ ହେଉଛନ୍ତି। ଆଜିକାର ଦୁନିଆ ଇଣ୍ଟରନେଟ ଦୁନିଆ ହୋଇଥିବାବେଳେ ଦୀର୍ଘ ଦିନରୁ ଏହି ଅଞ୍ଚଳବାସୀ ଇଣ୍ଟରନେଟ ସୁବିଧାରୁ ବଞ୍ଚିତ ହୋଇ ଜନସମାଜରୁ ପୃଥକ ହୋଇ ରହିବାକୁ ବାଧ୍ୟ ହେଉଛନ୍ତି। ପରିଶେଷରେ ଗ୍ରାମର ଯୁବରାଜ ମଲ୍ଲିକ, ସନ୍ତୋଷପ୍ରଧାନ, ରିଙ୍କୁ ପ୍ରଧାନ, ଯଶୋବନ୍ତ ପ୍ରଧାନ, ରଶେ ପ୍ରଧାନ, ଖଗେଶ୍ୱର ପ୍ରଧାନ ନେଟଓ୍ୱର୍କ ସମାଧାନ ପାଇଁ କନ୍ଧମାଳ ଜିଲାପାଳଙ୍କୁ ମୁହାଁମୁହିଁ ସାକ୍ଷାତ କରି ଏହାର ସମାଧାନ କରିବାକୁ ଅନୁରୋଧ କରିଛନ୍ତି।
Comments are closed.