ଭୁବନେଶ୍ୱର: ଭୀଷଣ ଜାଡରେ ଥରୁଛି ସାରା ଓଡ଼ିଶା। ବିଶେଷକରି ଦାରିଙ୍ଗବାଡି କ୍ରମାଗତ ଭାବରେ କିଛିଦିନ ହେଲା ରାଜ୍ୟର ସବୁଠାରୁ ଥଣ୍ଡା ସ୍ଥାନ ହୋଇଛି। ସେଠାରେ ରାତିର ସର୍ବନିମ୍ନ ତାପମାତ୍ରା ୪.୫ ଡିଗ୍ରୀ ସେଲସିୟସ ରେକର୍ଡ କରାଯାଇଛି। ତେବେ ମଙ୍ଗଳବାର ରାତିରେ ଫୁଲବାଣୀର ତାପମାତ୍ରା ୩.୬ ଡିଗ୍ରୀକୁ ଖସିଆସିବା ସହିତ ଏହା ରାଜ୍ୟର ସବୁଠାରୁ ଥଣ୍ଡା ସ୍ଥାନ ହୋଇଛି। ସେହିଭଳି ରାଜ୍ୟର ୧୭ଟି ସ୍ଥାନରେ ରାତିର ସର୍ବନିମ୍ନ ତାପମାତ୍ରା ୧୦ ଡିଗ୍ରୀ ସେଲସିୟସରୁ କମ୍ ରେକର୍ଡ କରାଯାଇଛି।
ଭାରତୀୟ ପାଣିପାଗ ବିଭାଗ ଭୁବନେଶ୍ୱରସ୍ଥିତ ଆଞ୍ଚଳିକ କାର୍ଯ୍ୟାଳୟ ସୂତ୍ରରୁ ମିଳିଥିବା ସୂଚନା ଅନୁଯାୟୀ ଟିଟିଲାଗଡରେ ରାତିର ସର୍ବନିମ୍ନ ତାପମାତ୍ରା ୬.୫, ସୋନପୁର ୬.୪, ବଉଦ ୮, କେନ୍ଦୁଝର ୬.୪, ଝାରସୁଗୁଡା ୬, ଅନୁଗୁଳ ୮, ଭବାନିପାଟଣା ୬.୮ ଏବଂ କୋରାପୁଟରେ ସର୍ବନିମ୍ନ ତାପମାତ୍ରା ୭ ଡିଗ୍ରୀ ସେଲସିୟସ ରେକର୍ଡ କରାଯାଇଛି। ସେହିଭଳି କଟକ ୧୦.୬, ଭୁବନେଶ୍ୱର ୧୦.୧, ସମ୍ବଲପୁର ୮.୬, ସୁନ୍ଦରଗଡ ୬, ତାଳଚେର ୯ ଓ ବଲାଙ୍ଗିରରେ ରାତିର ସର୍ବନିମ୍ନ ତାପମାତ୍ରା ୮.୫ ଡିଗ୍ରୀ ସେଲସିୟସ ରହିଥିଲା। ଏହାବ୍ୟତୀତ ମାଲକାନଗିରି ୧୧, ନୟାଗଡ ୯, ଛତ୍ରପୁରରେ ସର୍ବନିମ୍ନ ତାପମାତ୍ରା ୧୧ ଡିଗ୍ରୀ ସେଲସିୟସ ରେକର୍ଡ କରାଯାଇଛି।
ଦାରିଙ୍ଗବାଡି ୪.୫, ଫୁଲବାଣୀରେ ୩.୫ ଡିଗ୍ରୀ; ୧୦ ଡିଗ୍ରୀ ତଳେ ରାଜ୍ୟର ୧୭ଟି ସ୍ଥାନର ସର୍ବନିମ୍ନ ତାପମାତ୍ରା
Popular Categories
Previous article
Next article