ଫୁଲବାଣୀ: ଫୁଲବାଣୀ ପୌର ପରିଷଦର ୧୨ ନମ୍ବର ୱାର୍ଡର ସତ୍ୟସାଇ ନିବାସ ସାହିର ନୂତନ ନାମକରଣ କରାଯାଇଛି । ପୂରାତନ ନାମ ପରିବର୍ତ୍ତନ କରି ନୂତନ ଭାବେ ଶ୍ରୀ ସାଇନଗର ଭାବେ ନାମିତ କରାଯାଇଛି । ଏହି ଅବସରରେ ନୂତନ ନାମଫଳକ ଉନ୍ମୋଚନ କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଫୁଲବାଣୀ ପୌର ପରିଷଦର ଅଧ୍ୟକ୍ଷା ଶ୍ରୀମତି ସ୍ମିତାରାଣୀ ମହାନ୍ତି ଯୋଗଦେଇ ନାମ ଫଳକ ଉନ୍ମୋଚନ କରିଥିଲେ । ଅନ୍ୟମାନଙ୍କ ମଧ୍ୟରେ ୧୨ ନମ୍ବର ୱାର୍ଡର କାଉନସିଲର ଶ୍ରୀମତି ଆର୍.ବନଜା ପଟ୍ଟନାୟକ, ୧ ନମ୍ବର ୱାର୍ଡର କାଉନସିଲର ବାବୁଜାନ୍ ପେରା ଯୋଗଦେଇଥିଲେ ।
ବରିଷ୍ଠ ନାଗରିକ ନୀବନ କିଶୋର ପଣ୍ଡା ଓ ବରିଷ୍ଠ ଆଇନଜୀବୀ ଶିବ ପ୍ରସାଦ ତ୍ରିପାଠୀଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସାହିର ବହୁ ସାହି ବାସିନ୍ଦା ଉପସ୍ଥିତ ଥିବା ବେଳେ କାର୍ଯ୍ୟକ୍ରମକୁ ଆଶିଷ କୁମାର ମହାନ୍ତି , ପ୍ରଶାନ୍ତ ପାଣିଗ୍ରାହୀ , ଲୁଲୁ ମହାନ୍ତି ଓ ମାନୁ ପଟ୍ଟନାୟକ ପ୍ରମୁଖ ପରିଚାଳନାର ସହଯୋଗ କରିଥିଲେ । ଉନ୍ମୋଚନ ପରେ ସାହିବାସିନ୍ଦା ଓ ବାଟୋଇ ମାନଙ୍କୁ ମିଷ୍ଠାନ ବଂଟନ କରାଯାଇଥିଲା ।
Comments are closed.