ଫୁଲବାଣୀ: କନ୍ଧମାଳ ଜିଲ୍ଲା ବାଲିଗୁଡ଼ା ଉପଖଣ୍ଡ ତୁମୁଡ଼ିବନ୍ଧ ବ୍ଲକ କୁର୍ତ୍ତମଗଡ଼ ଠାରୁ କୋଟଗଡ଼ ବ୍ଲକ ପାରିଗଡ଼ ଗ୍ରାମକୁ ସଂଯୋଗ କରୁଥିବା ଦୂତିମେଣ୍ଡି ପୋଲ ଗତ ଦୁଇ ଦିନ ପୂର୍ବେ ଲଗାଣ ବର୍ଷା ଯୋଗୁଁ ଭୁଶୁଡ଼ି ପଡ଼ିଛି । ଏହି ପୋଲ ୨୫ବର୍ଷ ପୁରୁଣା ହୋଇଥିବା ଯୋଗୁଁ ବନ୍ୟା ଜଳରେ ଭାଙ୍ଗି ଯାଇଥିବା ଗ୍ରାମବାସୀ ଅଙ୍ଗଦ ପ୍ରଧାନ କହିଛନ୍ତି ।
ଟେକ୍ଳାଆ ମିଲା, ସାର୍ କିଙ୍ଗିଆ, ମଣ୍ଡଲ ଜିଡ଼ି, ପାରିଗଡ଼ ପଦା ସାହି, ବୁତୁମିଲା, ଗଞ୍ଜୁଗୁଡ଼ା, ଲାଞ୍ଜାମୀ, ବରିକିଆ, ହତଗାଁ, ଜାରଗୀ ଗୁଡ଼ା, ବାଲିଗାଡ଼ା, ସିଞ୍ଜାକୁଟି ଓ ସିର୍ଲା ପଞ୍ଚାୟତ ବୁଡାକାମ୍ଵା, ଯାନାଙ୍ଗାଡ଼ା, ସପେଲି, ଯଡିକମୁଣ୍ଡା, ଗୁଡ୍ରି, ଏହି ଗ୍ରାମଗୁଡିକ ବାହ୍ୟା ଜଗତରୁ ବିଚ୍ଛିନ୍ନ ହୋଇଛି । ଫଳରେ ସାଧାରଣତଃ ଲୋକ ଡାକ୍ତରଖାନା ଏବଂ ଆବଶ୍ୟକ ସମାଗ୍ରୀ ଗୁଡ଼ିକ କୁର୍ତ୍ତମଗଡ଼ ବଜାରରୁ ଆଣିନପାରି ହଇରାଣ ହରକତ ହେଉଛନ୍ତି । ଏହା ସହ ଟେକ୍ଳାଆ ମିଲାଘାଟି ରାସ୍ତାରେ ପାହାଡ଼ ଧସିବା ସହ ରାସ୍ତା ପାର୍ଶ୍ବରେ ନିର୍ମାଣ ହୋଇଥିବା ଗାର୍ଡ଼ ୱାଲ୍ ଭାଙ୍ଗି ରାସ୍ତାରେ ଗର୍ତ୍ତ ହୋଇଛି । ଏହି ପରିପେକ୍ଷିରେ ଏହି ରାସ୍ତା ଦେଇ ଅଟୋ କିମ୍ବା ଚାରି ଚକିଆ ଗାଡ଼ି ଯାତାୟାତ ସମୟରେ ଦୁର୍ଘଟଣା ଘଟିବାର ସମ୍ଭାବନା ରହିଛି । ପ୍ରଶାସନ ଏଥିପ୍ରତି ଦୃଷ୍ଟି ଦେଇ ତୁରନ୍ତ ପୋଲ ଓ କଲଭର୍ଟ ରାସ୍ତା ନିର୍ମାଣ କରିବା ନିମନ୍ତେ ଗ୍ରାମବାସୀ ଅଙ୍ଗଦ ପ୍ରଧାନ, ପ୍ରାନ୍ଞ୍ଚିସ୍ ପ୍ରଧାନ, ଗାୟନ ବଳିୟାର ସିଂ, ନିଲୁ ବଳିଆର ସିଂ, ରମାକାନ୍ତ ବଳୀଆର୍ ସିଂ ଦାବି କରିଛନ୍ତି ।
