ଦେଖନ୍ତୁ ରାମଲାଲାଙ୍କ ନୂଆ ଫଟୋ, ଆଖିରେ ବନ୍ଧାଯାଇଛି ପଟି

ନୂଆଦିଲ୍ଲୀ: ମନ ମୁଗ୍ଧ ହେଲା ଭଳି ଖୁବ ସୁନ୍ଦର ଏବଂ ଆକର୍ଷଣୀୟ ହୋଇଛି ପ୍ରଭୁ ଶ୍ରୀରାମଙ୍କ ପ୍ରତିମୂର୍ତ୍ତି। ସମସ୍ତଙ୍କ ସାମ୍ନାକୁ ଆସିଛି ରାମଲାଲାଙ୍କ ଆଉ ଏକ ନୂଆ ଫଟୋ। ଏହାକୁ ଦେଖିଲା ପରେ ରାମଲାଲାଙ୍କ ଚିତ୍ର ସ୍ପଷ୍ଟ ହୋଇଛି। ଏହି ଚିତ୍ରଟି ବିଶ୍ୱ ହିନ୍ଦୁ ପରିଷଦ ଦ୍ୱାରା ସେୟାର କରାଯାଇଛି। ପରମ୍ପରା ଅନୁସାରେ ରାମଲାଲାଙ୍କ ପ୍ରାଣ ପ୍ରତିଷ୍ଠା ପୂର୍ବରୁ ସମ୍ପୂର୍ଣ୍ଣ ମୁହଁ ଖୋଲା ଯାଇନାହିଁ। ବରଂ ଆଖିରେ ପଟି ବନ୍ଧାଯାଇଛି। ଆସନ୍ତା ୨୨ତାରିଖରେ ରାମଲାଲାଙ୍କ ପ୍ରାଣ ପ୍ରତିଷ୍ଠା ଉତ୍ସବ ଅନୁଷ୍ଠିତ ହେବାକୁ ଯାଉଛି। ଏଥିପାଇଁ ଉତ୍ସବମୁଖର ଅଯୋଧ୍ୟନଗରୀ ଓ ସାରା ଦେଶ। ଗୁରୁବାର ରାତିରେ ମନ୍ଦିରର ଗର୍ଭଗୃହରେ ବିରାଜମାନ କରିଥିଲେ ରାମଲାଲା। ଶନିବାର ୮୧କଳସ ପୂଜା କରିବା ପରେ ଗର୍ଭଗୃହକୁ ଶୁଦ୍ଧିକରଣ କରାଯିବ। ୨୧ ତାରିଖରେ ୧୨୫ କଳସ ଜଳରେ ରାମଲାଲାଙ୍କୁ ସ୍ନାନ କରାଯିବା ସହ ସ୍ୱତନ୍ତ୍ର ପୂଜା କରାଯିବ।

ନେପାଳର ଗନ୍ଧକ ନଦୀରୁ ଅଣାଯାଇଥିବା ପଥର ସହିତ ଅରୁଣ ଯୋଗୀରାଜ ଏହି ପ୍ରତିମୂର୍ତ୍ତିକୁ ପ୍ରସ୍ତୁତ କରିଛନ୍ତି। ଅନ୍ଧାର ରଙ୍ଗର ଏହି ପ୍ରତିମୂର୍ତ୍ତି ଦୁଇ ମାସ ମଧ୍ୟରେ ସମ୍ପୂର୍ଣ୍ଣ ହୋଇଥିଲା। ଅରୁଣ ଯୋଗୀରାଜଙ୍କ ଅନୁଯାୟୀ, ଯଦି ଆପଣ ଏହି ପ୍ରତିମୂର୍ତ୍ତିକୁ ୨୦ ସେକେଣ୍ଡ ପର୍ୟ୍ୟନ୍ତ ଭଲ ଭାବରେ ଦେଖନ୍ତି, ତେବେ ରାମଲାଲା ହସୁଥିବା ଦେଖାଯିବ ।