ନୂଆଦିଲ୍ଲୀ : ଅନେକ ସମସ୍ୟା ଦେଇ ଗତି କରୁଥିବା ଫିନଟେକ୍ କମ୍ପାନୀ ପେଟିଏମ୍ ଏବେ ପୋଷ୍ଟପେଡ୍ ଲୋନ୍ ସେବାକୁ ସମ୍ପୂର୍ଣ୍ଣ ରୂପେ ବନ୍ଦ କରିବାକୁ ନିଷ୍ପତ୍ତି ନେଇଛି । ଏହା ବ୍ୟତୀତ ଲେଣ୍ଡର୍ସଙ୍କ ପାଇଁ ବ୍ୟକ୍ତିଗତ ଋଣ ଉପରେ କଲେକ୍ସନ ସେବା ମଧ୍ୟ ବନ୍ଦ କରିଦିଆଯାଇଛି । କମ୍ପାନୀ ଏବେ ଲୋନ୍ କେବଳ ଡିଷ୍ଟ୍ରିବ୍ୟୁସନ ଆଧାରିତ କ୍ରେଡିଟ୍ ମଡେଲ ଉପରେ ଧ୍ୟାନ କେନ୍ଦ୍ରିତ କରିବାକୁ ଯୋଜନା କରୁଛି ।
ବର୍ତ୍ତମାନ ପେଟିଏମ୍ ବ୍ୟାଙ୍କ ଏବଂ ଏହାର ମୂଳ କମ୍ପାନୀ ଓ୍ବନ-୯୭ କମ୍ୟୁନିକେସନର ଆର୍ଥିକ ବର୍ଷ ୨୦୨୩-୨୪ର ଚତୁର୍ଥ ତ୍ରୈମାସିକରେ କ୍ଷତି ବୃଦ୍ଧି ପାଇ ୫୫୦ କୋଟି ଟଙ୍କା ହୋଇଯାଇଛି । ଗତ ବର୍ଷ ଏହି ଅବଧିରେ ଘାଟା ୧୬୭.୫ କୋଟି ଟଙ୍କା ଥିଲା । ପିପିବିଏଲ୍ କଟକଣା ଯୋଗୁଁ ଏଭଳି ହୋଇଥିବା କମ୍ପାନୀ ସୂଚନା ଦେଇଛି ।
କହିରଖୁଛୁ ଆରବିଆଇ ୧୫ ମାର୍ଚ୍ଚରୁ ବ୍ୟାପାରୀଙ୍କ ସହିତ ଗ୍ରାହକଙ୍କ ହିତକୁ ଧ୍ୟାନରେ ରଖି ପେଟିଏମ୍ ପେମେଣ୍ଟ୍ସ ବ୍ୟାଙ୍କ ଲିମିଟେଡ୍(ପିପିବିଏଲ୍)କୁ କୌଣସି ବି ଗ୍ରାହକଙ୍କ ଖାତା, ଓ୍ବାଲେଟ୍ ଏବଂ ପାଷ୍ଟ୍ୟାଗ୍ ଜମା, କ୍ରେଡିଟ୍ ନେଣଦେଣ ବା ଟପ୍-ଅପ ସ୍ବୀକାର କରିବାକୁ ରୋକି ଦେଇଥିଲା ।
Comments are closed.