ପାତ୍ରପୁର: ପାତ୍ରପୁର ବ୍ଳକ ସାମନ୍ତରାପୁର ପଞ୍ଚାୟତ ଗୋବିନ୍ଦପୁର ଛକ ଠାରେ ବାଇକ୍ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ମୃତ ଯୁବକଙ୍କ ନାମ ପ୍ରଭାତ ନାୟକ(୨୫) ଓ ଘର ବଂଶୀଗାଁ ବୋଲି ଜଣା ପଡିଛି। ବଂଶୀଗାଁ ତିନିଟି ଯୁବକ ପ୍ରଭାତ ନାୟକ, ଅଙ୍ଗଦ ନାୟକ ଓ ହେମନ୍ତ ନାୟକ ନାଚ ଦେଖିବାକୁ ଦ୍ରୁତ ଗତିରେ ସାମନ୍ତରାପୁର ଯାଉଥିବା ବେଳେ ଗୋବିନ୍ଦପୁର ଛକ ଠାରେ ଭାରସାମ୍ୟ ହରାଇ ବାଇକରୁ ପଡ଼ି ଯାଇଥିଲେ। ଏହି ୩ଜଣକୁ ପ୍ରଥମେ ଜରଡ଼ା ସ୍ୱାସ୍ଥ୍ୟ କେନ୍ଦ୍ରକୁ ନେଇ ଥିବା ବେଳେ ଅବସ୍ଥା ଗୁରୁତର ଦେଖି ବ୍ରହ୍ମପୁର ସ୍ଥାନାନ୍ତରିତ କରାଯାଇଥିଲା। ତେବେ ପ୍ରଭାତ ନାୟକ(୨୫)ଙ୍କ ବ୍ରହ୍ମପୁରରେ ମୃତ୍ୟୁ ଘଟିଥିବା ବେଳେ ହେମନ୍ତ ସଂଜ୍ଞାହୀନ ଅବସ୍ଥାରେ ଥିବା ଜଣାପଡିଛି।
Comments are closed.