ପାତ୍ରପୁର: ଜରଡା ଥାନା ପାତ୍ରପୁର ବ୍ଳକ ଜୟନ୍ତୀ ପୁର ଗ୍ରାମରେ ଏକ ବାଇକ୍ ସହିତ ପିକଅପ୍ ଧକ୍କା ଦେବାରୁ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତକ ଜଣକ ଜୟନ୍ତୀ ପୁର ଗ୍ରାମ ଗଣପତି ରାଉଳ ୪୦ବର୍ଷ ବୋଲି ସୂଚନା ମିଳିଛି। ଗଣପତି ଏକ ବାଇକ୍ ଯୋଗେ ଗ୍ରାମ ବସଷ୍ଟାଣ୍ଡ ଆଡ଼କୁ ଆସୁଥିବା ବେଳେ ବିପରୀତ ଦିଗରୁ ଗ୍ରାମର ଜଣେ ବ୍ୟକ୍ତିଙ୍କ ପିକଅପ କେଶରୀ ପଡା ପଟକୁ ଯାଉଥିଲା। ହଠାତ ଦୁଇ ଗାଡ଼ି ମଧ୍ୟରେ ଧକ୍କା ହେବା ଫଳରେ ଗଣପତି ଚକତଳେ ପଡ଼ିଯାଇଥିଲେ ଏବଂ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା। ଅନ୍ୟ ଜଣେ ବାଇକ୍ ଆରୋହୀ ଛିଟିକି ପଡି ଆହତ ହୋଇ ଥିଲେ। ଜରଡା ପୁଲିସ ଖବର ପାଇ ପହଞ୍ଚି ମୃତଦେହ ଜବତ ପରେ ବ୍ୟବଚ୍ଛେଦ ପାଇଁ ବ୍ରହ୍ମପୁର ପଠାଇଛି।
Comments are closed.