ନୂଆଦିଲ୍ଲୀ: ବିହାର ନିର୍ବାଚନ ପୂର୍ବରୁ ମହିଳାଙ୍କୁ ବଡ ଉପହାର ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ବିହାରରେ ମୁଖ୍ୟମନ୍ତ୍ରୀ ମହିଳା ରୋଜଗାର ଯୋଜନାର ଶୁଭାରମ୍ଭ କରିଛନ୍ତି ମୋଦୀ । ନୂଆଦିଲ୍ଲୀରୁ ଆଜି ଭିଡ଼ିଓ କନଫେନ୍ସରେ ‘ମୁଖ୍ୟମନ୍ତ୍ରୀ ମହିଳା ନିଯୁକ୍ତି ଯୋଜନା’ର ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ । ମହିଳାମାନଙ୍କୁ ସ୍ୱାବଲମ୍ବୀ କରିବାକୁ ସରକାର ଏହି ନୂଆ ଯୋଜନା ଆରମ୍ଭ କରିଛନ୍ତି । ଆଜି ପ୍ରଥମ କିସ୍ତିରେ ମହିଳାଙ୍କ ବ୍ୟାଙ୍କ ଆକାଉଣ୍ଟକୁ ୧୦ହଜାର ଟଙ୍କା ପଠାଯାଇଛି ।
बिहार की माताओं-बहनों और बेटियों के कल्याण के लिए डबल इंजन सरकार समर्पित भाव से कार्य कर रही है। इसी क्रम में आज ‘मुख्यमंत्री महिला रोजगार योजना’ का शुभारंभ करना मेरे लिए बहुत गर्व की बात है। https://t.co/pntJaWKPRm
— Narendra Modi (@narendramodi) September 26, 2025
ଏହି ଯୋଜନା ଅଧୀନରେ ରାଜ୍ୟର ୭୫ଲକ୍ଷ ମହିଳାଙ୍କ ବ୍ୟାଙ୍କ ଆକାଉଣ୍ଟକୁ ସିଧାସଳଖ ୧ଲକ୍ଷ ଟଙ୍କା ପଠାଯିବ । ଶୁକ୍ରବାର ଏହି ଯୋଜନାର ପ୍ରଥମ କିସ୍ତି ମହିଳାଙ୍କ ଆକାଉଣ୍ଟକୁ ପଠାଯାଇଛି । ରୋଜଗାର ଭଲ ହେଲେ ୨ଲକ୍ଷ ଟଙ୍କା ପର୍ଯ୍ୟନ୍ତ ସହାୟତା ଯୋଗାଇ ଦିଆଯିବ ବୋଲି ବିହାର ମୁଖ୍ୟମନ୍ତ୍ରୀ ନୀତିଶ କୁମାର କହିଛନ୍ତି । ବିହାରବାସୀଙ୍କୁ ମୋଦୀ କହିଛନ୍ତି ଯେ ଆପଣଙ୍କର ଦୁଇ ଭାଇ ନରେନ୍ଦ୍ର ଏବଂ ନୀତିଶ ଆପଣଙ୍କ ସେବାରେ କାର୍ଯ୍ୟରତ ଅଛନ୍ତି ।
ଯୋଜନାର ଶୁଭାରମ୍ଭ ବେଳେ ମହିଳାଙ୍କୁ ସମ୍ବୋଧିତ କରି କହିଥିଲେ ଯେ ଏହି ଯୋଜନାରୁ ୭୫ଲକ୍ଷ ମହିଳାଙ୍କୁ ପାଣ୍ଠି ପଠାଯିବ । ଭଲ ନିଯୁକ୍ତି ଥିବା ମହିଳାଙ୍କୁ ୨ଲକ୍ଷ ଟଙ୍କା ଦିଆଯିବ । ଅକ୍ଟୋବର ୩ତାରିଖରେ ପୁଣି ଥରେ ମହିଳାଙ୍କ ଆକାଉଣ୍ଟକୁ ଟଙ୍କା ପଠାଯିବ । ଆରମ୍ଭରୁ ଆମେ ମହିଳାଙ୍କ ଉନ୍ନତି ଉପରେ ଧ୍ୟାନ ଦେଇଛୁ । ବିହାରରେ ପୂର୍ବ ସରକାର କିଛି କରିନଥିଲେ । ଏନଡିଏ ସରକାର ଗଠନ ହେବା ପରେ ଆମେ କାମ କରିଆସୁଛୁ ।
