ପାଟଣା: କେନ୍ଦୁଝର ଜିଲା ପାଟଣା ଥାନା ଅଞ୍ଚଳର ଜଣେ ନାବାଳିକା ପତ୍ନୀଙ୍କୁ ନିର୍ଯାତନା ଦେବା ଅଭିଯୋଗରେ ସ୍ବାମୀକୁ ପାଟଣା ପୁଲିସ ଗିରଫ କରିଛି। ଗିରଫ ସ୍ବାମୀ ମଲ୍ଲିପଶି ଗ୍ରାମର ଗୌରହରି ନାଏକ ବୋଲି ଜଣାପଡିଛି। ତାଙ୍କ ପତ୍ନୀ ମାଟ୍ରିକ ପରୀକ୍ଷା ଦେଉଥିବା ସମୟରେ ପ୍ରଲୋଭନ ଦେଖାଇ ଗୌରହରି ତାଙ୍କୁ ଘରେ ଆଣି ରଖିଥିଲେ। ତାଙ୍କର ଗୋଟିଏ ପାଞ୍ଚ ବର୍ଷର ଶିଶୁପୁତ୍ର ଥିବା ଜଣାପଡିଛି। ସେ ତାଙ୍କ ପତ୍ନୀଙ୍କୁ ଶାରୀରିକ ଓ ମାନସିକ ନିର୍ଯାତନା ଦେଉଥିବା ସମ୍ପର୍କ ପତ୍ନୀ ବାପଘରକୁ ଆସିବା ପରେ ପାଟଣା ଥାନାରେ ଅଭିଯୋଗ କରିଥିଲେ। ଏନେଇ ଥାନାରେ ୯୧/୨୩ ମୂଳେ ଏକ ମାମଲା ରୁଜୁ କରି ପୁଲିସ ଘଟଣାର ତଦନ୍ତ କରିବା ପରେ ଆଜି ଅଭିଯୁକ୍ତ ଗୌରହରି ନାଏକକୁ ଗିରଫ କରି କୋର୍ଟ ଚାଲାଣ କରିଛି।
Comments are closed.