ପାଟଣା : ପାଟଣା ବ୍ଲକ ଅନ୍ତର୍ଗତ ତୁରୁମୁଙ୍ଗା ଠାରେ ଆଜି ସକାଳୁ ୨୨ ଘରିଆ ହାତୀପଲ ଡେରା ପକାଇଛନ୍ତି। ଏହି ହାତୀପଲରେ ୬ଟି ଦନ୍ତା, ୯ଟି ମଧ୍ୟବୟସ୍କ ମାଇହାତୀ ଓ ୭ଟି ଶିଶୁ ହାତୀ ଅଛନ୍ତି। ଜ୍ୟୋତିପୁର ଅଞ୍ଚଳରୁ ତେନ୍ତଳା ହୋଇ ତୁରୁମୁଙ୍ଗାରେ ପହଞ୍ଚିବା ପରେ ତ୍ରିବିନ୍ଦା ଗ୍ରାମରେ ବ୍ୟାପକ ଧାନ ଜମିରେ ପଶି ମାଡି ମକଚି ଧାନଫସଲ ନଷ୍ଟ କରିବା ପରେ ଏହି ହାତୀପଲ ସଂଧ୍ୟା ସୁଦ୍ଧା ତୁରୁମୁଙ୍ଗା ତଳସାହିର ଶରତ ସେଠୀଙ୍କ ବୈତରଣୀ କୂଳ ଆମ୍ବ ବଗିଚା ଡେରା ପକାଇଛନ୍ତି। ଖିରେଇଟାଙ୍ଗିରୀ ବନପାଳ ଶିବନାରାୟଣ ଦେବ, ବନରକ୍ଷୀ ଡଲିରାଣୀ ସାହୁ, ସାହାରାପଡା ବନପାଳ ଭୂପତି ସେଠୀ ଓ ବନବିଭାଗ ପାରାକର୍ମଚାରୀ ମାନେ ହାତୀ ପଲଙ୍କ ଉପରେ ନଜର ରଖିଛନ୍ତି। ଏହି ହାତୀ ପଲ ତ୍ରିନାଥ ମହାନ୍ତ, ରଞ୍ଜନ କାରୁଆ, ଅରୁଣ ନାଏକ, ଆକାଶ ନାଏକ, ଦେବବ୍ରତ ନାଏକ, ଲକ୍ଷ୍ମୀଧର ମହାନ୍ତ, ବଳରାମ ମହାନ୍ତ, କ୍ରୀତ୍ତନ ନାଏକ, ଯାଦବ ମହାନ୍ତ, ବିରଞ୍ଚି ମହାନ୍ତଙ୍କ ଧାନ ଫସଲ ବ୍ୟାପକ ଭାବେ ନଷ୍ଟ କରିଛନ୍ତି।
Comments are closed.