ପାଟଣା: କେନ୍ଦୁଝର ଜିଲ ତୁରୁମୁଙ୍ଗା ଥାନା ୪୯ ନମ୍ବର ଜାତୀୟ ରାଜପଥର ଖିରେଇଟାଙ୍ଗିରି ନିକଟରୁ ବିଳମ୍ବିତ ରାତିରେ ପଶ୍ଚିମବଙ୍ଗ ଗୋରୁ ଚାଲାଣ କରୁଥିବା ଗୋଟିଏ ମିନି ଟ୍ରକକୁ ତୁରୁମୁଙ୍ଗା ପୁଲିସ ଜବତ କରିଛି। ଜବତ ଟ୍ରକରୁ ୨୨ଟି ଗୋରୁ ଉଦ୍ଧାର କରାଯାଇଥିବା ବେଳେ ୩ ଜଣଙ୍କୁ ଅଟକ ରଖିଛି ପୁଲିସ୍। ପୂର୍ବରୁ ସୂଚନା ପାଇ ଖିରେଇଟାଙ୍ଗିରୀ ନିକଟରେ ପୁଲିସ ଛକି ରହିଥିଲା। ୪ ଟି ଗାଡିରେ ଗୋରୁ ଚାଲାଣ ହେଉଥିବା ବେଳେ ସେଠାରେ ପୁଲିସ ଗୋଟିଏ ଗାଡିକୁ ଜବତ କରିବାରେ ସକ୍ଷମ ହୋଇଥିଲା। ତେବେ ସମସ୍ତ ଗୋରୁ ଗୁଡିକ ଥାନା ପରିସରରେ ରଖାଯାଇଥିବା ବେଳେ ସେଥିରୁ ୨ଟି ଗୋରୁ ଗୁରୁତର ଆହତ ହୋଇଥିବା ଦେଖାଯାଇଛି।
ପୁଲିସ ପକ୍ଷରୁ ୩୨ ଗୋରୁ ଉଦ୍ଧାର ସହ ୩ଜଣ ଅଟକ ରଖାଯାଇଛି। ଦୁଇଟି ପୃଥକ ପୃଥକ ଘଟଣାରେ କରଞ୍ଜିଆ ଓ ତୁରୁମୁଙ୍ଗା ପୁଲିସ ଧରିଥିଲା। ଚଢ଼େଇଭୋଳ ନିକଟରୁ ୧୦ ଗୋରୁ ଉଦ୍ଧାର କରିଥିବାବେଳେ ବୈତରଣ ପୋଲ ଉପରୁ ୨୨ ଗୋରୁ ଉଦ୍ଧାର କରିଥିଲା ତୁରୁମୁଙ୍ଗୁ ପୁଲିସ। ୨୨ ଗୋରୁ ଉଦ୍ଧାର ସହ ୩ଜଣଙ୍କୁ ଅଟକ ରଖିଥିବାବେଳେ ପୁଲିସ ଗୋରୁ ଚାଲାଣ ହେଉଥିବା କଣ୍ଟେନର ଜବତ କରିଥିବା ସୂଚନା ମିଳିଛି।
Comments are closed.