ଭୁବନେଶ୍ଵର : ଭୁବନେଶ୍ଵର ମହାନଗର ନିଗମ ପକ୍ଷରୁ ଆୟୋଜିତ ହୋଇଛି ତୃତୀୟ ପଥୋତ୍ସବ କାର୍ଯ୍ୟକ୍ରମ। ଆଜି ବିଏମସିର ଉତ୍ତର ଜୋନ୍ ର ଇନଫୋସିଟି ଛକଠାରୁ ସିଲିକନ୍ କଲେଜ୍ ଛକ ପର୍ଯ୍ୟନ୍ତ ଚଳିତ ବର୍ଷର ତୃତୀୟ ପଥୋତ୍ସବ ଆୟୋଜିତ ହୋଇଛି। ଏଥର ପଥୋତ୍ସବରେ ଜଲଓ୍ବା ଦେଖାଇଛନ୍ତି ଗାୟିକା ଅର୍ଚ୍ଚନା ପାଢୀ ଏବଂ ରୁକୁସୁନା। ଇନଫୋସିଟି – ସିଲିକନ୍ ରାସ୍ତାରେ ପାଖାପାଖି ୧ କିଲୋମିଟର ବ୍ୟାପୀ ଏହି କାର୍ଯ୍ୟକ୍ରମ କରାଯାଇଛି। ଏଥିରେ ସବୁ ବର୍ଗର ସବୁ ବୟସର ପୁରୁଷ , ମହିଳା , ଶିଶୁ ମାନଙ୍କ ମନୋରଞ୍ଜନ ଠାରୁ ଆରମ୍ଭ କରି ଖେଳ କୁଦ ପାଇଁ ବ୍ୟବସ୍ଥା କରାଯାଇଛି। ଖାଲି ସେତିକି ନୁହେଁ କମେଡି, ଯୋଗ, ତୀର ଚାଳନା, ବାସ୍କେଟ ବଲ୍, ବ୍ୟାଜ ସିଂଟନ, ସ୍ଲାଇଜ୍, ସାପ-ସିଡି ଖେଳ, ବେଲୁନ୍ ସୁଟିଂ, ଏକ ଚକିଆ ସାଇକେଲ ଚାଳନା, ସାଇକେଲ ଚାଳନା, ପେଣ୍ଟିଂ, ଝୋଟି ବା ରଙ୍ଗୋଲି, ଡ୍ରଇଂ, କ୍ଲେ-ମଡେଲିଂ, ଇତ୍ୟାଦିର ମଜ୍ଜା ନେଇଛନ୍ତି ମହାନଗର ନିଗମ ବାସିନ୍ଦା । ମେୟର, ବିଧାୟକ ବାବୁ ସିଂ, ଅପରାଜିତା ଷଡଙ୍ଗୀ ପ୍ରମୁଖ ଏହି କାର୍ଯ୍ୟକ୍ରମକୁ ଉଦଘାଟନ କରିଛନ୍ତି।
Comments are closed.