ପାଟଣା: ପୂର୍ବତନ କେନ୍ଦୁଝର ଜିଲା ପରିଷଦ ଅଧ୍ୟକ୍ଷା ମମିତା ନାଏକ ଚଳିତ ପଞ୍ଚାୟତିରାଜ ନିର୍ବାଚନରେ ଏକା ସାଙ୍ଗରେ ତିନୋଟି ପଞ୍ଚାୟତରୁ ସମିତି ସଭ୍ୟା ପଦବୀ ପାଇଁ ନାମାଙ୍କନ ପତ୍ର ଦାଖଲ କରିବା ଘଟଣା ଚର୍ଚ୍ଚାର ପ୍ରସଙ୍ଗ ହୋଇଛି। ସେ ନିଜ ପଞ୍ଚାୟତ ଖଜିରାପାଟ, ଉଦୟପୁର ଏବଂ ଶଙ୍ଖୁଆ ପଞ୍ଚାୟତର ସମିତି ସଭ୍ୟା ପଦବୀ ପାଇଁ ନାମାଙ୍କନ ପତ୍ର ଦାଖଲ କରିଛନ୍ତି। ସୂଚନା ଯୋଗ୍ୟ ଯେ ଜିଲା ବିଜେପି ସଭାପତି ଅଂଶୁମାନ ସବୁଜ ମହାନ୍ତ ବର୍ମା ଜିଲା ପରିଷଦ ସଦସ୍ୟ ପ୍ରାର୍ଥୀ ହୋଇଥିବା ୨୯ ନମ୍ବର ଜୋନ ମଧ୍ୟରେ ଥିବା ଖଜିରାପାଟ ଓ ଉଦୟପୁର ପଞ୍ଚାୟତରେ ମମିତା ନାଏକ ସମିତି ସଭ୍ୟା ପ୍ରାର୍ଥୀ ହୋଇଥିବା ବେଳେ ୩୦ ନମ୍ବର ଜୋନ ଅଞ୍ଚଳର ଶଙ୍ଖୁଆ ପଞ୍ଚାୟତରେ ମଧ୍ୟ ସେ ସମିତି ସଭ୍ୟା ପ୍ରାର୍ଥୀ ହୋଇଛନ୍ତି।
ସେହିପରି ସାହାରପଡ଼ା ବ୍ଲକ ର ଶିବାନୀ ମଧ୍ୟ ଦୁଇଟି ପଞ୍ଚାୟତ ରୁ ସମିତିସଭ୍ୟା ପଦବୀ ପାଇଁ ପ୍ରାର୍ଥୀ ହୋଇଛନ୍ତି। ଶିବାନୀ ଦିଗପଶି ଓ ସିଲିପଦା ପଞ୍ଚାୟତ ପାଇଁ ସମିତିସଭ୍ୟା ପାଇଁ ପ୍ରାର୍ଥୀ ହୋଇଛନ୍ତି। ୩ ଟି ପଞ୍ଚାୟତ ରୁ ପ୍ରାର୍ଥୀ ହେବା ସମ୍ପର୍କରେ ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷା ମମିତା ନାଏକ ଙ୍କୁ ଯୋଗାଯୋଗ କରାଯିବା ରେ ତାଙ୍କର ପ୍ରଶାସନ ଉପରେ ଭରସା ନଥିବା ରୁ ସେ ୩ ଟି ପଞ୍ଚାୟତ ପାଇଁ ନାମାଙ୍କନ ପତ୍ର ଦାଖଲ କରିଥିବା ସତ୍ତ୍ୱେ ସେ ପ୍ରକୃତରେ ଗୋଟିଏ ପଞ୍ଚାୟତ ରୁ ଲଢ଼ିବେ ବୋଲି ସ୍ପଷ୍ଟ କରିଛନ୍ତି।
Comments are closed.