ପାଟଣା: ପାଟଣା ବ୍ଲକ ଅନ୍ତର୍ଗତ ଡାବରଚୁଆ ନିକଟରେ ୪୯ ନଂ ଜାତୀୟ ରାଜପଥରେ ଆଜି ତୁରୁମୁଙ୍ଗା ଥାନା କେନ୍ଦେଇପଶି ପଞ୍ଚାୟତ କାଶୀପୁର ଗ୍ରାମକୁ ଫେରୁଥିବା ଏକ ବାଇକକୁ ପଛ ପଟୁ ଏକ ଟ୍ରକ ଧକ୍କା ଦେଇଥିଲା। ଫଳରେ ବାଇକରେ ଥିବା କାଶୀପୁର ଗ୍ରାମର ବାସିନ୍ଦା ତଥା ଅବସରପ୍ରାପ୍ତ ଏମସିଏଲ କର୍ମଚାରୀ ଧରଣୀଧର ମହାନ୍ତ (୬୫)ଙ୍କର ଘଟଣା ସ୍ଥଳରେ ମୃତ୍ୟ ହୋଇଥିଲା।
ଅପରପକ୍ଷରେ ବାଇକରେ ତାଙ୍କ ସହିତ ଆସୁଥିବା ପୁଅ ଶିବ ମହାନ୍ତ(୨୮) ଗୁରୁତର ଆହତ ହୋଇଛନ୍ତି। ଉଭୟଙ୍କୁ କେନ୍ଦୁଝର ଜିଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା। ସେଠାରେ ଧରଣୀଧରଙ୍କୁ ଡାକ୍ତର ମୃତ ଘୋଷଣା କରିଥିଲେ। ଖବର ପାଇ ତୁରୁମୁଙ୍ଗା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ତେବେ ଦୁର୍ଘଟଣା ଘଟାଇଥିବା ଘଟଣାସ୍ଥଳରୁ ଟ୍ରକକୁ ଚାଳକ ଫେରାର ହୋଇଯାଇଛି। ବାଇକରୁ ଖସି ପଡ଼ିବା ପରେ ଧରଣୀଧରଙ୍କ ଗୋଡ଼ ଉପରେ ଟ୍ରକଟି ଚଢ଼ି ଯାଇଥିବାରୁ ତାଙ୍କର ମୃତ୍ୟୁ ହୋଇଥିବା ଜଣାପଡ଼ିଛି।
Comments are closed.