ଦେଓଗାଁ:ବଲାଙ୍ଗୀର ଜିଲା ଦେଓଗାଁ ବ୍ଲକ ଉପରଝର ପଞ୍ଚାୟତ ଅନ୍ତର୍ଗତ ଉପରଝର ଠାରେ ରୀତିନୀତି ଅନୁସାରେ ପାଟଖଣ୍ଡା ଯାତ୍ରା ଅନୁଷ୍ଠିତ ହୋଇଛି। ଜରାସିଂହାରେ ୫ ଦିନ ଧରି ଯାତ୍ରା ହେଉଥିବା ବେଳେ ଏଠାରେ ୪ ଦିନ ଧରି ଯାତ୍ରା ହୋଇଥାଏ। ଚଳିତବର୍ଷ ରୀତିନୀତି ଅନୁସାରେ ମା’ ପାଟଖଣ୍ଡାଙ୍କ ଷୋଡ଼ଶ ପୂଜା ଅନୁଷ୍ଠିତ ହୋଇଥିଲା। ରବିବାର ନବମୀ ତିଥିରେ ସନ୍ଧ୍ୟା ୮ ଟା ରେ ଗ୍ରାମ ର ମଧ୍ୟ ଭାଗରେ ଥିବା ମା ପାଟଖଣ୍ଡା ମନ୍ଦିର ର ରେ ରୀତିନୀତି ଅନୁସାରେ ପୂଜା କରାଯାଇଥିଲା। ପରେ ମା ପାଟଖଣ୍ଡା ଓ ବିରୁପାଣି ପାରମ୍ପରିକ ବାଦ୍ୟ ର ତାଳେ ତାଳେ ନୃତ୍ୟ କରି ଭକ୍ତଙ୍କୁ ଦର୍ଶନ ଦେଇଥିଲେ।
ପାଟଖଣ୍ଡା ମନ୍ଦିର ରୁ ବାହାରି ପ୍ରଥମେ ରାଜଦେହୁରୀଙ୍କ ଘରକୁ ଆଗମନ କରିଥିଲେ। ସେଠାରେ ପୂର୍ବରୁ ଅପେକ୍ଷା ରେ ଥିବା ରାଜଦେହୁରୀ ଯୁବରାଜ ବିଶ୍ବାଳଙ୍କୁ ଫୁକାଝୁରା କରିବା ପରେ ଉପସ୍ଥିିରେ ଥିବା ଭକ୍ତଙ୍କ ହାରିଗୁହାରି ଶୁଣି ଆଶୀର୍ବାଦ ପ୍ରଦାନ କରିଥିଲେ। ଏହା ପୂଜା ପୁଅ ଜିଁତିଆରୁ ଆରମ୍ଭ ହୋଇ ଭାଇ ଜିଁତିଆ ପର୍ଯନ୍ତ ଚାଲିଥାଏ। ପ୍ରକାଶ ଯେ ଦୀର୍ଘ ବର୍ଷ ପୂର୍ବରୁ ହୋଇଥିଲା। ଠିକ୍ ଏହି ବର୍ଷ ମଧ୍ୟ ଯାତ୍ରା ଅନଷ୍ଠିତ ହୋଇଥିଲା। ମୁଖ୍ୟ ଦେହୁରୀ, ବନବାସ ସେଠ୍, ପୂଜକ ଆନନ୍ଦ ସେଠ୍, ବିରୁପାଣୀ ନଟବର ମର୍ଲିକ, ଭୂଜିନୀୟା ରାଜୀବ ବିଶ୍ଵାଳ, ଦେବେରୀୟା ବିଜୟ ପଧାନ, ମସଲିୟା ବସନ୍ତ ସେଠ୍, ଧୂପଳୀୟା ବଶିଷ୍ଠ ବାରିକ ସହ ପରିଚାଳନା କମିଟି ସଭାପତି ଯୁବରାଜ ମାଝୀ, ସମ୍ପାଦକ ଅନ୍ତର୍ଯ୍ୟାମୀ ପଧାନଙ୍କ ସହ କମିଟି ର ସମସ୍ତ ସଭ୍ୟବୃନ୍ଦ ତଥା ଗ୍ରାମବାସି ସହଯୋଗ କରିଥିଲେ।
