ହରଭଙ୍ଗା : ହରଭଙ୍ଗା ବ୍ଲକ ଖୋର୍ଦ୍ଧା-ବଲାଙ୍ଗୀର ୫୭ନମ୍ବର ଜାତୀୟ ରାଜପଥର ରାମ୍ଭିକଟା ନିକଟରେ ବୁଧୁବାର କାର ଦୁର୍ଘଟଣାରେ ପୁରୁଣାକଟକ ବଜାରର ବ୍ୟବସାୟୀ ଆନନ୍ଦ କୁମାର ଅଗ୍ରୱାଲା ଗୁତୁତର ଆହାତ ହୋଇଥିବା ଜଣାପଡିଛି।
ସୂଚନା ଅନୁସାରେ ଆଜି ସେ ପୁରୁଣାକଟକରୁ ନିଜ କିଆ କାର ଯୋଗେ ବୌଦ୍ଧ ଯାଉଥିଲେ। ଫୋନରେ କଥା ହେବା ସମୟରେ ତାଙ୍କ କାରଟି ଭାରସାମ୍ୟ ହରାଇ ରମ୍ଭିକଟା ନିକଟରେ ଏକ ଗଛରେ ବାଡେଇ ହୋଇ ଦୁର୍ଘଟଣାଗ୍ରସ୍ତ ହୋଇଥିଲା। ଏହି ଦୁର୍ଘଟଣାରେ ମୁଣ୍ଡରେ ଗଭୀର ଆଘାତ ଲାଗିଥିଲା। ଦୁର୍ଘଟଣା ସମୟରେ ତାଙ୍କ କାରର ବେଲୁନ ବାହାରିପଡ଼ିବାରୁ ଏକ ବଡ଼ ଦୁର୍ଘଟଣାରୁ ସେ ବର୍ତ୍ତିଯାଇଥିବା ଜଣାପଡିଛି।
