ଭୁବନେଶ୍ୱର : ପରିବହନ ପର୍ଯ୍ୟଟନ ଏବଂ ସଂସ୍କୃତି ସମ୍ବନ୍ଧୀୟ ସଂସଦୀୟ ସ୍ଥାୟୀ କମିଟିର ଅଧ୍ୟକ୍ଷ ଟିଜି ଭେଙ୍କଟେଶଙ୍କ ସହ କମିଟିର ୧୫ ଜଣିଆ ସଦସ୍ୟ ରାଜଧାନୀ ଭୁବନେଶ୍ୱରରେ ପରିବହନ ଏବଂ ପର୍ଯ୍ୟଟନ ବିଷୟରେରେ ଏଥି ସହ ଜଡିତ ବିଭିନ୍ନ ସଂସ୍ଥା ସହ ଆଲୋଚନା କରିଛନ୍ତି । ବୈଠକରେ ରାଜ୍ୟ ସଡକ ପରିବହନ ବିଭାଗର ଅଧିକାରୀ ଏବଂ ପାରାଦୀପ ବନ୍ଦରର କର୍ତ୍ତୃପକ୍ଷ ଅଂଶଗ୍ରହଣ କରିଥିଲେ । ରାଜପଥମାନଙ୍କରେ ଥିବା ବ୍ଲାକ୍ ସ୍ପଟ୍, ସର୍ଭିସ୍ ତଥା ସଂଯୋଗୀ କରଣ ରାସ୍ତା , ସଡକ ପଥରେ ସୁରକ୍ଷା ବିଷୟରେ ଏହି ବୈଠକରେ ମୁଖ୍ୟତଃ ଆଲୋଚନା ହୋଇଥିଲା ।
ପରିବହନ ପର୍ଯ୍ୟଟନ ଏବଂ ସଂସ୍କୃତି ସମ୍ବନ୍ଧୀୟ ସଂସଦୀୟ ସ୍ଥାୟୀ କମିଟିର ସଦସ୍ୟମାନେ ପୁରୀ ଗସ୍ତ କରିଥିଲେ । ସେଠାରେ ଚାଲିଥିବା ଶ୍ରୀଜଗନ୍ନାଥ ଐତିହ୍ୟ କରିଡର୍ କାର୍ଯ୍ୟକୁ ସମିତିର ଅଧ୍ୟକ୍ଷଙ୍କ ସହ ସଦସ୍ୟମାନେ ପ୍ରଶଂସା କରିଛନ୍ତି । ବିକାଶ କାର୍ଯ୍ୟ ସହ ରାଜ୍ୟ ସରକାର ଐତିହସ୍ଥଳର ସଂରକ୍ଷଣ କାର୍ଯ୍ୟ କରିବା ଆବଶ୍ୟକ ବୋଲି କହିଛନ୍ତି। ଏଥିରେ ସ୍ଥାନୀୟଲୋକଙ୍କୁ ସାମିଲ କରିବା ଓ ସେମାନଙ୍କୁ ଐତିହର ସରଂକ୍ଷଣ ପାଇଁ ସଚେତନ କରିବାର ଆବଶ୍ୟକତା ଉପରେ ଜୋର ଦେଇଛନ୍ତି ।
ଓଡିଶାର ପ୍ରଶଂସା କରିବା ସହ ଏଠାରେ ପର୍ଯ୍ୟଟନର ବିକାଶର ଅପାର ସୁଯୋଗ ରହିଛି ବୋଲି କମିଟିର ସଦସ୍ୟମାନେ ସୂଚନା ଦେଇଛନ୍ତି। ରାଜ୍ୟରେ ଅନେକ ପ୍ରାକୃତିକ ଏବଂ ଐତିହ ସ୍ଥଳ ରହିଛି, ରାଜ୍ୟ ସରକାର ଏହାର ବିକାଶ ପାଇଁ ବିଭିନ୍ନ ପଦକ୍ଷେପ ଗ୍ରହଣ କରିଛନ୍ତି । ଦେଶର ଅନ୍ୟରାଜ୍ୟମାନଙ୍କ ଅପେକ୍ଷା ଓଡିଶା ସରକାର ଏ ଦିଗରେ ବେଶ୍ ଭଲ ପଦକ୍ଷେପ ଗ୍ରହଣ କରିଛନ୍ତି ବୋଲି ସଦସ୍ୟମାନେ ମତ ଦେଇଛନ୍ତି ।
