ପାରାଦ୍ବୀପ : ଆର୍ଥିକ ବର୍ଷ ୨୦୨୩-୨୪ରେ ପାରାଦ୍ବୀପ ବନ୍ଦର ୧୪୫.୩୮ ଏମ୍ଏମ୍ଟି ମାଲ ପରିବହନ କରି ନୂଆ କୀର୍ତ୍ତିମାନ ସ୍ଥାପନ କରିଛି। ପୂର୍ବରୁ ଏହି ରେକର୍ଡ କାଣ୍ଡଲାସ୍ଥିତ ଦୀନଦୟାଲ ପୋର୍ଟର ରହିଥିଲା। ୧୦.୦୨ ଏମ୍ଏମ୍ଟି ଅଧିକ ମାଲ ପରିବହନ ସହିତ ୭.୪% ବୃଦ୍ଧି ଘଟିଛି। ଆର୍ଥିକ ବର୍ଷରେ ଏଠାରେ ସର୍ବାଧିକ ୫୯.୧୯ ଏମ୍ଏମ୍ଟି ଉପକୂଳ ମାଲ ପରିବହନ କରିଥିବା ବେଳେ ପୂର୍ବବର୍ଷ ତୁଳନାରେ ୪.୦୨% ଅଧିକ ୪୩.୯୭ ଏମ୍ଏମ୍ଟି କୋଇଲା ପରିବହନ କରାଯାଇଥିଲା। ଏହି ସମୟରେ ଏହା ୧୪.୦୩% ବୃଦ୍ଧି ସହିତ ୨୩୦୦ କୋଟି ରାଜସ୍ବ ଲାଭ କରିଛି। ଏହାର କ୍ଷମତା ବର୍ତ୍ତମାନ ୨୮୯ ଏମ୍ଏମ୍ଟି ରହିଛି। ଆଗାମୀ ତିନି ବର୍ଷରେ ଏହା ୩୦୦ ଏମ୍ଏମ୍ଟି ଅତିକ୍ରମ କରିବା ଯୋଜନା କରାଯାଇଛି। ଏହାର ୮୦% ଯନ୍ତ୍ରଚାଳିତ ବର୍ଥକୁ ୨୦୩୦ ସୁଦ୍ଧା ୧୦୦% କରିବା ଲକ୍ଷ୍ୟ ରଖାଯାଇଛି। ଆଇଆଇଟି ଚେନ୍ନଇ ସହିତ ବନ୍ଦର ପକ୍ଷରୁ ଅତ୍ୟାଧୁନିକ ପୋତ ଯାତାୟାତ ପରିଚାଳନା ସୂଚନା ବ୍ୟବସ୍ଥା ବିକଶିତ କରାଯାଉଥିବା ପାରାଦ୍ବୀପ ବନ୍ଦର ଅଧ୍ୟକ୍ଷ ପି.ଏଲ୍. ହରନାଧ ପ୍ରକାଶ କରିଛନ୍ତି।
Popular Categories
Previous article
Next article