ପାପଡାହାଣ୍ଡି: ଟ୍ରାକ୍ଟର ଓଲଟି ଜଣେ ୨୫ ବର୍ଷୀୟ ଯୁବକର ମୃତ୍ୟୁ ଘଟିଥିବା ବେଳେ ୨ ଜଣ ଆହତ ହୋଇଥିବା ଜଣାପଡିଛି। ସୂଚନା ମୁତାବକ ପାପଡାହାଣ୍ଡି ବ୍ଲକ ସାନ ବାର୍ଲି ପଂଚାୟତ ର ନୂଆଗୁଡା ଗ୍ରାମର ୨୫ ବର୍ଷୀୟ ଯୁବକ ଜବର ଜାନି ଟ୍ରାକ୍ଟର ଚଳାଇ ନିକଟସ୍ଥ ବିଲକୁ ସାର ନେଇ ଫେରିବା ବେଳେ ନୂଆଗୁଡା ନିକଟସ୍ଥ ଡ଼ଙ୍ଗରି ନିକଟରେ ଭାରସାମ୍ୟ ହରାଇ ଓଲଟି ପଡିବା ଫଳରେ ଡ୍ରାଇଭର ଜବର ଜାନି ଜଣଙ୍କ ଟ୍ରାକ୍ଟର ତଳେ ଚାପି ହୋଇ ଘଟଣାସ୍ଥଳରେ ମୃତ୍ୟୁ ବରଣ କରିଥିବା ବେଳେ ଏଥିରେ ବସିଥିବା ଅନ୍ୟ ଦୁଇଜଣ ସାମାନ୍ୟ ଆହତ ହୋଇଥିବା ଜଣାପଡିଛି। ଖବର ପାଇ ମୈଦାଲପୁର ପୋଲିସ ଘଟଣାସ୍ଥଳରେ ପହଂଚି ତଦନ୍ତ କରୁଥିବା ବେଳେ ଆସନ୍ତାକାଲି ଶବ ବ୍ୟବଛେଦ କରାଯିବ ବୋଲି ପୋଲିସ ସୂଚନା ଦେଇଛି।
Comments are closed.