ଆଠଗଡ଼: ଆଠଗଡ଼ ଥାନା ଅନ୍ତର୍ଗତ କନ୍ଦରପୁର ପଞ୍ଚାୟତ ଅଧିନ ରାଉତରାପୁର ନିକଟସ୍ଥ କାଜୁ ଜଙ୍ଗଲରେ ଜଣେ ଯୁବକଙ୍କର ଝୁଲନ୍ତା ମୃତଦେହ ଉଦ୍ଧାର କରାଯିବା ସହ ନିକଟରେ ରଖାଯାଇଥିବା ଏକ ବାଇକ ଜବତ ହୋଇଛି। ସ୍ଥାନୀୟ ଲୋକ ଝୁଲନ୍ତା ମୃତଦେହ ଦେଖି ପୁଲିସକୁ ସୂଚନା ଦେଇଥିଲେ। ଆଠଗଡ଼ ପୁଲିସ ଘଟଣାସ୍ଥଳକୁ ଯାଇ ଯୁବକଙ୍କ ମୃତ ଦେହ ଉଦ୍ଧାର କରି ଆଠଗଡ଼ ଡାକ୍ତରଖାନାକୁ ବ୍ୟବଚ୍ଛେଦ ଲାଗି ଆଣିବା ସହ ସେଠାରେ ଥିବା ତାଙ୍କ ବାଇକଟିକୁ ଜବତ କରି ଆଣିଥିଲେ। ବାଇକ ନମ୍ବରରୁ ଉକ୍ତ ଯୁବକଙ୍କ ନାମ ଶ୍ରୀକାନ୍ତ ବେହେରା ଏବଂ କନ୍ଦରପୁରର ମୂଳବାସିନ୍ଦା ତାଙ୍କ ବାପା ସାନମୁଣ୍ଡଳିରେ ସ୍ଥାୟୀ ଭାବେ ବସବାସ କରୁଥିବା ଜଣାପଡ଼ିଛି। ସଂପୃକ୍ତ ମୃତ ଯୁବକ ଆଠଗଡ଼ ସହରରେ ବାହା ହୋଇଥିବା ସୂଚନା ମିଳିଛି। ଖବରପାଇ ତାଙ୍କ ପରିବାର ଲୋକ ଡାକ୍ତରଖାନାରେ ପହଞ୍ଚି ଥିବାବେଳେ ସନ୍ଧ୍ୟା ହୋଇଯାଇଥିବାରୁ ଆସନ୍ତାକାଲି ସକାଳେ ମୃତ ଦେହ ବ୍ୟବଚ୍ଛେଦ ହେବ ବୋଲି ତଦନ୍ତକାରୀ ଅଧିକାରୀ ବିଶ୍ୱଜିତ୍ ଜେନା ପ୍ରକାଶ କରିଛନ୍ତି।
Comments are closed.