ତିଗିରିଆ : ତିଗିରିଆ ତହସିଲ ଅନ୍ତର୍ଗତ ପାଞ୍ଚଗାଁ ଗ୍ରାମର ପଡ଼ିଆରି ସାହିରେ ଅଗ୍ନିକାଣ୍ଡ ଘଟି ୩ ଟି ପରିବାରର ୬ ବଖରା ଚାଳ ଛପର ଘର ଜଳିଯାଇଛି। ଘରେ ଥିବା ଆସବାବ ପତ୍ର, ଖାଦ୍ୟସାମଗ୍ରୀ ଆଦି ଲକ୍ଷାଧିକ ଟଙ୍କାର ସମ୍ପତ୍ତି ଜଳି ପାଉଁଶ ହୋଇଯାଇଛି।
ଅଗ୍ନିକାଣ୍ଡ ସମ୍ପର୍କରେ ଖବର ପାଇ ତିଗିରିଆ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ ମଧ୍ୟ ସେତେବେଳେକୁ ସବୁ ପୋଡି ପାଉଁଶ ହୋଇଯାଇଥିଲା। ଅଗ୍ନିକାଣ୍ଡରେ ସୁଧୀର ବେହେରା, ମାନସ ବେହେରା, କବୀର ବେହେରା, ତାପସ ବେହେରା, ଲବଣୀ ବେହେରା, ସମୀର ବେହେରାଙ୍କର ୬ ବଖରା ଘର ଜଳି ଯାଇଛି। ପ୍ରଚଣ୍ଡ ଖରା ତାତିକୁ ନିଆଁର ପ୍ରକୋପ ଅସହ୍ୟ ହୋଇଥିଲେ ମଧ୍ୟ ଦମକଳ କର୍ମଚାରୀ ନିଆଁକୁ ଆୟତ୍ତ କରି ଲିଭାଇଥିଲେ। ଘଟଣା ସମ୍ପର୍କରେ ଖବର ପାଇ ଯୁବ ସଂଗଠକ ତଥା ସୁପ୍ରିମକୋର୍ଟର ଆଇନଜୀବୀ ଆଦିତ୍ୟ ପ୍ରସାଦ ସ୍ଵାଇଁ ଅଗ୍ନିବିପନ୍ନଙ୍କ ପାଖରେ ପହଞ୍ଚି ସମବେଦନା ଜଣାଇବା ସହ ଖାଦ୍ୟ, ବସ୍ତ୍ର ସାମଗ୍ରୀ ଓ ଆର୍ଥିକ ସହାୟତା ପ୍ରଦାନ କରିଥିବା ଜଣାପଡିଛି। ବିପନ୍ନ ପରିବାରଙ୍କୁ ତୁରନ୍ତ ସରକାରୀ ସହାୟତା ପ୍ରଦାନ କରିବାକୁ ପ୍ରଶାସନ ନିକଟରେ ଦାବି ହୋଇଛି |
Comments are closed.