ପାକିସ୍ତାନରେ ରହିଛି ୨୨ ଆତଙ୍କବାଦୀ ପ୍ରଶିକ୍ଷଣ ଶିବିର

ନୂଆଦିଲ୍ଲୀ: ପାକିସ୍ତାନରେ ରହିଛି ମୋଟ ୨୨ଟି ଆତଙ୍କବାଦୀ ପ୍ରଶିକ୍ଷଣ ଶିବିର। ସେଥିମଧ୍ୟରୁ କେବଳ ଜୈସ୍‌-ଇ-ମହମ୍ମଦ(ଜେଇଏମ୍‌)ର ୯ଟି ସକ୍ରିୟ ରହିଛି। ସେଗୁଡ଼ିକ ବିରୋଧରେ ଅଦ୍ୟାବଧି କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ। ୱାଶିଂଟନ୍‌ଠାରେ ଜଣେ ଭାରତୀୟ ଅଧିକାରୀ ଏହି ସୂଚନା ଦେବା ସହ ଭାରତ ସେଗୁଡ଼ିକ ବିରୋଧରେ ବାଲାକୋଟ ଭଳି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପ୍ରସ୍ତୁତ ଥିବା କହିଛନ୍ତି। ପାକିସ୍ତାନ ସରକାର ସମ୍ପ୍ରତି ବିଭିନ୍ନ ସ୍ଥାନରେ ଚଢ଼ଉ ଆଳରେ ଯେଉଁ କାର୍ଯ୍ୟାନୁଷ୍ଠାନର ନାଟକ ଦେଖାଉଛନ୍ତି। ପାକିସ୍ତାନ ସରକାର ଆତଙ୍କବାଦୀଙ୍କୁ ଅଟକ ରଖିବା ବା ଗୃହବନ୍ଦୀ କରିବା ଅର୍ଥ ସେମାନଙ୍କୁ ଆରାମଦାୟକ ଭାବେ ସୁରକ୍ଷିତ ରଖିବା ବୋଲି ସେ କହିଛନ୍ତି। ଅତୀତରେ ମଧ୍ୟ ପାକିସ୍ତାନ ଏଭଳି ନାଟକ ଅନେକବାର ଦେଖାଇ ଆସିଛି।