ଡେସ୍କ: ଆଭ୍ୟନ୍ତରୀଣ ଅବସ୍ଥା ଅସମ୍ଭାଳ, ଆର୍ଥିକ ପରିସ୍ଥିତି ରସାତଳକୁ ଗଲାଣି ତଥାପି ପାକିସ୍ତାନର ସଂତ୍ରାସବାଦୀ କାର୍ଯ୍ୟକଳାପରେ କୌଣସି ପରିବର୍ତ୍ତନ ହେଉନାହିଁ। ଗତକାଲି ପଞ୍ଜାବ ନିକଟବର୍ତ୍ତୀ ଆନ୍ତର୍ଜାତିକ ନିୟନ୍ତ୍ରଣ ସୀମାରେଖା ନିକଟରେ ପାକିସ୍ତାନର ଏକ ଡ୍ରୋନ୍ ଓ ସେଥିରେ ଥିବା ଅସ୍ତ୍ରଶସ୍ତ୍ର ଜବତ କରାଯାଇଛି। ସୀମା ସୁରକ୍ଷା ବଳ ଏହି ଡ୍ରୋନକୁ ସଫଳତାର ସହ ଖସାଇବା ସହ ଗୁଳି ଓ ବନ୍ଧୁକ ଜବତ କରିଛି।
ସୂଚନା ଅନୁଯାୟୀ, ଶୁକ୍ରବାର ସକାଳ ୨.୩୨ ମିନିଟରେ ଭାରତ-ପାକିସ୍ତାନ ସୀମାରେଖା ନିକଟବର୍ତ୍ତୀ ଗୁରୁଦାସପୁର ମେଲଟା ଅଂଚଳରେ ପାକିସ୍ତାନ ପଟୁ ଅନୁପ୍ରବେଶ କରୁଥିବା ଡ୍ରୋନ୍ ଠାବ କରାଯାଇଥିଲା। ଏଥିରେ ୫ଟି ବନ୍ଧୁକ, ୧୦ଟି ମାଗାଜିନ, ୯ ମିମି ବିଶିଷ୍ଟ ୭୧ ରାଉଣ୍ଡ ଗୁଳି ରହିଥିଲା।
