ନୂଆଦିଲ୍ଲୀ : ଇଲେକ୍ଟ୍ରୋନିଂ ଭୋଟିଂ ମେଶିନ୍ (ଇଭିଏମ୍) ହ୍ୟାକ ଏବଂ ରାଗିଂ ପ୍ରସଙ୍ଗକୁ ନେଇ ଶୁକ୍ରବାର ନୂଅଦିଲ୍ଲୀଠାରେ ବିରୋଧୀ ଦଳର ଶୀର୍ଷ ନେତାଙ୍କ ଏକ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ, ଏନ୍ସିପି ଅଧ୍ୟକ୍ଷ ଶରଦ ପାୱାର, ଟିଡିପି ଏନ୍.ଚନ୍ଦ୍ରବାବୁ ନାଇଡୁ, ଏସ୍ପି ନେତା ରାମଗୋପାଳ ଯାଦବ, ଟିଏମ୍ସି ନେତା ଡେଡେକ ଓବ୍ରାୟନ, ନ୍ୟାନସନାଲ କନଫ୍ରେନ୍ସ ନେତା ଉମର ଅବଦୁଲା, ବିଏସ୍ପି ନେତା ସତୀଶ ଚନ୍ଦ୍ର ମିଶ୍ରା, ଡିଏମ୍କି ନେତ୍ରୀ କାନିମୋଝୀ, ସିପିଆଇ ନେତା ଡି.ରାଜା, ସିପିଆଇ(ଏମ୍) ନେତା ମହମ୍ମଦ ସଲୀମ ଏବଂ ଟିକେ ରଙ୍ଗରାଜନ, ଆରଜେଡି ନେତା ମୋନଜ ଝା’, ଆମ ଆଦମୀ ପାର୍ଟି ନେତା ସଂଜୟ ସିଂହ ଏବଂ ରାଷ୍ଟ୍ରୀୟ ଲୋକଦଳ ନେତା ଜୟନ୍ତ ଚୌଧୁରୀ ଯୋଗ ଦେଇଥିଲେ। ଏମାନଙ୍କ ସହ ଆରଏସ୍ପି ନେତା ଏନ୍.କେ ପ୍ରେମଚନ୍ଦ୍ରନ, ଝାରଖଣ୍ଡ ମୁକ୍ତି ମୋର୍ଚ୍ଚା ନେତା ଅଶୋକ କୁମାର ସିଂହ, ହମ ନେତା ଜତିନ ରାମ ମାଝୀ, ଟଜିଏସ୍ରୁ ପ୍ରଫେସର କୋଡାନ୍ଦରାମ ଏଥିରେ ସାମିଲ ହୋଇଥିଲେ। କଂଗ୍ରସର ଅନ୍ୟ ବରିଷ୍ଠ ନେତାଙ୍କ ମଧ୍ୟରେ ଅହମଦ ପଟେଲ, ଗୁଲାମ ନବୀ ଆଜାଦ, ମଲ୍ଲିକାର୍ଜୁନ ଖଡଗେ ଏବଂ ଏକେ ଆଣ୍ଟୋନି ଏଥିରେ ଯୋଗଦେଇ ନିଜ ମତ ରଖିଥିଲେ। ଆସନ୍ତା ଲୋକସଭା ନିର୍ବାଚନ ଇଭିଏମ୍ରେ ନକରି ବାଲାଟ ପେପର ମାଧ୍ୟମରେ କରିବାକୁ ସମସ୍ତେ ଯୁକ୍ତି ଉପସ୍ଥାପନ କରିଥିଲେ। ଏନେଇ ନିର୍ବାଚନ କମିଶନକୁ ଜଣାଇବା ସହ ଦାବି ରଖିବାକୁ ସହମତି ପ୍ରକାଶ ପାଇଛି।
Popular Categories
Previous article
Next article