ଚେନ୍ନାଇ: ମନୋରଞ୍ଜନ ଭିତ୍ତିକ ସୋସିଆଲ ମିଡିଆ ଆପ୍ ଟିକ୍ଟକକୁ ନେଇ ଅନେକ ଅଭାବନୀୟ ଘଟଣା ଦେଖିବାକୁ ମିଳୁଛି। ପୂର୍ବରୁ ଟିକ୍ଟକ ଭିଡିଓ କରୁଥିବାବେଳେ କେଜେଜଣଙ୍କ ପ୍ରାଣହାନି ଘଟିଥିବାବେଳେ ବର୍ତ୍ତମାନ ଆଉ ଏକ ଘଟଣା ଘଟିଛି ତାମିଲନାଡୁରେ। ଟିକ୍ଟକ ଆପରେ ଅଧିକ ସମୟରେ ମଜି ରହୁଥିବା ସ୍ତ୍ରୀଙ୍କୁ ସ୍ବାମୀ ଗାଳିଗୁଲଜ କରିବାରୁ ସେ ଆତ୍ମହତ୍ୟା କରିଛନ୍ତି। ଏହି ଘଟଣା ସ୍ଥାନୀୟ ଅଞ୍ଚଳରେ ଆଲୋଡ଼ନ ସୃଷ୍ଟି କରିଛି।
ମୃତ ମହିଳାଙ୍କ ନାମ ଅନିତା ଓ ତାଙ୍କ ବୟସ ୨୪ ବର୍ଷ। ତାଙ୍କର ୨ଟି ସନ୍ତାନ ଅଛନ୍ତି। ଅନିତା ଟିକ୍ଟକ ଆପ୍ରେ ବେଶୀ ସମୟ ମଜି ରହୁଥିଲେ। ଏଥିପାଇଁ ତାଙ୍କ ସ୍ବାମୀ ତାଙ୍କୁ ଗାଳି କରିଥିଲେ। ଏଥିରେ ଭାଙ୍ଗିପଡ଼ି ମହିଳା ଜଣକ ବିଷ ପିଇ ଆତ୍ମହତ୍ୟା କରିଛନ୍ତି। ଏପରି କି ବିଷ ପିଇବାର ଦୃଶ୍ୟକୁ ସେ ଟିକ୍ଟକ ଭିଡିଓ କରି ସିଙ୍ଗାପୁରରେ ଯାଇଥିବା ସ୍ବାମୀଙ୍କ ନିକଟକୁ ପଠାଇଥିଲେ। ଭିଡିଓରେ ମହିଳା ଜଣକ ଏକ ଧଳା ବୋତଲରୁ କଳା ରଙ୍ଗର କିଛି ତରଳ ପଦାର୍ଥ ପିଇବାର ଦୃଶ୍ୟ ଦେଖିବାକୁ ମିଳିଛି।
Comments are closed.