ଭୁବନେଶ୍ବର : ରାଜ୍ୟରେ ଗ୍ରୀଷ୍ମପ୍ରବାହ ବଢିଚାଲିଛି। ସକାଳ ୮ଟାରେ ଦିନ ୧୨ଟାର ଖରା ଅନୁଭୂତ ହେଉଛି। ଜନଜୀବନ ଅସ୍ତବ୍ୟସ୍ତ ହେଉଥିବାବେଳେ ଗ୍ରୀଷ୍ମଜନିତ ଅସୁସ୍ଥତା ଓ ଅଂଶୁଘାତ ରୋଗୀଙ୍କ ସଂଖ୍ୟା ବୃଦ୍ଧି ପାଉଛି। ସୋମବାର ଅଂଶୁଘାତରେ ଆଉ ଜଣଙ୍କର ମୃତ୍ୟୁ ହୋଇଥିବାବେଳେ ମୃତ୍ୟୁ ସଂଖ୍ୟା ଦୁଇରେ ପହଞ୍ଚିଛି। ସେହିପରି ୨୫୭ ଅଂଶୁଘାତରେ ଅସୁସ୍ଥ ହୋଇଥିବା ସ୍ବାସ୍ଥ୍ୟ ବିଭାଗ ସୂତ୍ରରୁ ଜଣାପଡ଼ିଛି। ଅଂଶୁଘାତକୁ ନେଇ ସ୍ବାସ୍ଥ୍ୟ ବିଭାଗ ସତର୍କତା ଜାରି କରିଛି। ପୂର୍ବରୁ ବାଲେଶ୍ବରରେ ଜଣେ ବ୍ୟକ୍ତିଙ୍କର ଅଂଶୁଘାତରେ ମୃତ୍ୟୁ ହୋଇଥିଲା। ଆଜି ଆଉ ଜଣଙ୍କର ମୃତ୍ୟୁ ହୋଇଛି ଏବଂ ମୃତ ବ୍ୟକ୍ତି ଜଣକ ଢେଙ୍କାନାଳର ବୋଲି ଜଣାପଡ଼ିଛି। ସେହିପରି ଅଂଶୁଘାତ ଓ ଅସୁସ୍ଥତା ଜନିତ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇଛି। ସୁନ୍ଦରଗଡ଼ରେ ସର୍ବାଧିକ ୬୦ ଜଣ ଅଂଶୁଘାତରେ ଆକ୍ରାନ୍ତ ହୋଇଥିବା ବେଳେ ମୟୂରଭଞ୍ଜରେ ୪୦, ଖୋର୍ଦ୍ଧାରେ ୩୬, ଝାରସୁଗୁଡ଼ାରେ ୧୮ ଜଣ ଅଂଶୁଘାତରେ ଆକ୍ରାନ୍ତ ହୋଇଛନ୍ତି। ଅଂଶୁଘାତ ଜନିତ ମୃତ୍ୟୁକୁ ନେଇ ଆହୁରି ଅନେକ ଅଭିଯୋଗ ଆସିଥିବାବେଳେ ଯାଞ୍ଚ ପରେ ବିଧିବଦ୍ଧଭାବେ ଘୋଷଣା କରାଯିବ। ଏନେଇ ଏକ ସ୍ବତନ୍ତ୍ର କମିଟି ରହିଛି ବୋଲି କୁହାଯାଇଛି।
Popular Categories
Previous article
Next article