ବୁଲଢାଣା, ୩୧ା୧୦: ମହାରାଷ୍ଟ୍ର ବୁଲଢାଣା ଜିଲାରେ ସାମାଜିକ ଗଣମାଧ୍ୟମରେ ରିଲ୍ କରିବା ସମୟରେ ଜଣେ ଯୁବକ ଟ୍ରେନ୍ ଦୁର୍ଘଟଣାରେ ପ୍ରାଣ ହରାଇଛନ୍ତି। ଶୋଗାଓ ଆଲସନା ଗାଁ ନିକଟରେ ଏହି ଅଘଟଣ ଘଟିଛି। ମୃତ ଯୁବକ ମହମ୍ମଦ ନଦୀମ(୨୮)ବୋଲି ଜଣାପଡିଛି। ନଦୀମ ଓ ତାଙ୍କ ବନ୍ଧୁ ଚଳନ୍ତା ଟ୍ରେନ୍ ସାମ୍ନାରେ ଭିଡିଓ କରିବା ସମୟରେ ଟ୍ରେନ୍ ଉଭୟଙ୍କୁ ଧକ୍କା ଦେଇଥିଲା। ମହମ୍ମଦଙ୍କ ବନ୍ଧୁ ଗୁରୁତର ଅବସ୍ଥାରେ ହସ୍ପିଟାଲରେ ଚିକିତ୍ସିତ ହେଉଛନ୍ତି। ପୁଲିସ ସୂଚନା ଅନୁସାରେ ଉଭୟ ବନ୍ଧୁ ଆଲସନା ଗାଁକୁ ଏକ ବିବାହ କାର୍ଯ୍ୟକ୍ରମରେ ସାମିଲ ହେବାକୁ ଆସିଥିବା ସମୟରେ ରେଳ ଧାରଣାରେ ଭିଡିଓ କରିବାକୁ ଯାଇଥିଲେ। ଏହି ସମୟରେ ଅଚାନକ ଟ୍ରେନ୍ ଆସିଯିବାରୁ ଅଘଟଣ ଘଟିଗଲା।
Popular Categories
Previous article
Next article