ଗୋପାଳପୁର : ଗୋଳନ୍ଥରା ଥାନା ଅନ୍ତର୍ଗତ ମଦନମୋହନପୁର ଗ୍ରାମରେ ଏକ ତାଲା ବନ୍ଦ ଘରୁ ଚୋରି କରିଥିବା ଚୋରକୁ ପୁଲିସ ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତ ଜଣଙ୍କ ଚମାଖଣ୍ଡି ଥାନା ଅନ୍ତର୍ଗତ ବଡପୁଟି ଗ୍ରାମର ଡି ମନୋଜ ବୋଲି ପୁଲିସ ସୂଚନା ଦେଇଛି। ଅଭିଯୋଗ ଅନୁଯାୟୀ ମଦନମୋହନପୁରରେ ଭଡ଼ାରେ ରହୁଥିବା ରୋଶନ ରାଣୀ ମଲ୍ଲ ଗତ ୨୭ ତାରିଖ ସକାଳେ କୌଣସି କାମରେ ଘରେ ତାଲା ପକାଇ ବାହାରକୁ ଯାଇଥିଲେ। ୩୧ ତାରିଖରେ ଘରକୁ ଫେରିବା ସମୟରେ ଘରର ତାଲା ଭଙ୍ଗା ଯାଇଥିବା ସହ ଘର ମଧ୍ୟରେ ଥିବା ଆଲମିରାରୁ ୮୫ ହଜାର ଟଙ୍କା ସହ ଅନ୍ୟାନ୍ୟ ସାମଗ୍ରୀ ଚୋରି ଯାଇଥିବା ଜାଣିବାକୁ ପାଇଥିଲେ। ଘଟଣା ନେଇ ଗୋଳନ୍ଥରା ଥାନାରେ ଲିଖିତ ଅଭିଯୋଗ ପରେ ପୁଲିସ ୧୪୭/୨୪ ରେ ଏକ ମାମଲା ରୁଜୁ କରିବା ସହ ତଦନ୍ତ ଚଳାଇଥିଲା । ବିଭିନ୍ନ ତଥ୍ୟ ଓ ଆଧାରକୁ ଯାଞ୍ଚ କରି ଡି ମନୋଜକୁ ଆଜି ବଡପୁଟିରୁ ଗିରଫ କରିବା ସହ କୋର୍ଟ ଚାଲାଣ କରିଛି ପୁଲିସ । ଚୋରି କରିଥିବା ସମସ୍ତ ଟଙ୍କାକୁ ଜୁଆ ଖେଳି ଖର୍ଚ୍ଚ କରି ଦେଇଥିବା ପୁଲିସ ସମ୍ମୁଖରେ ମନୋଜ ବୟାନ ଦେଇଥିବା ଜଣାପଡିଛି।
Comments are closed.