ରେଙ୍ଗାଲିକ୍ୟାମ୍ପ : ବରଗଡ଼ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ ଗୋଡଭଗା ଫାଣ୍ଡି ସାମ୍ନାରେ ଥିବା ଏକ ଭାରତ ଗ୍ୟାସ ଶାଖା ଦୋକାନରେ ଗତ୧୨ ତାରିଖ ରାତିରେ ଗ୍ୟାସ ଟାଙ୍କି ଫାଟି ବିସ୍ପୋରଣ ଘଟି ସମ୍ପୂର୍ଣ ତିନୋଟି ଦୋକାନ ଚୂର୍ ମାର୍ ହୋଇ ଥିବା ବେଳେ ଅଞ୍ଚଳରେ ଭୟର ଆତଙ୍କ ଖେଳିଯାଇଥିଲା । ସ୍ଥାନୀୟ ଲୋକେ ଅଳ୍ପକେ ବର୍ତ୍ତି ଯାଇଥିବା ବେଳେ ଗୁରୁତର ହୋଇ ପଡ଼ିଥିଲା ଗ୍ୟାସ ଦୋକାନ କର୍ମଚାରୀ ପାହାରଶ୍ରିଗିଡା ଚମାର ପଡ଼ାର ଈଶ୍ୱର ଖଣ୍ଡା। (୨୨)। ତାଙ୍କୁ ସ୍ଥାନୀୟ ଲୋକଙ୍କ ସହାୟତାରେ ଗୋଡଭଗା ପୁଲିସ ଗୁରୁତର ବ୍ୟକ୍ତିଙ୍କୁ ବୁର୍ଲା ବଡ଼ ଡାକ୍ତର ଖାନାକୁ ପଠାଇଥିଲେ। କିନ୍ତୁ ସେଠାରେ ତାଙ୍କର ଅବସ୍ଥା ସୁଧୁରି ନଥିଲା। ଫଳରେ ତାଙ୍କୁ ରାଉରକେଲା ସ୍ଥିତ ଆଇଜି ଏଚ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଥିଲା। ସେଠାରେ ଚିକିତ୍ସିତ ଅବସ୍ଥାରେ ରବିବାର ତାଙ୍କର ମୃତ୍ୟୁ ଘଟିଛି । ମୃତ୍ୟୁ ବେଳକୁ ବାପା ଦାମୋଦର ଖଣ୍ଡା ତାଙ୍କ ପଖରେ ଉପସ୍ଥିତ ଥିଲେ। ଏମିତି ଆକସ୍ମିକ ଦୁର୍ଘଟଣା ଘଟି ଧନ ଜୀବନ ନଷ୍ଟ ହେବାର ସମ୍ଭାବନା ଥାଏ ବୋଲି ସାଧାରଣତଃ ଏହି ଦୋକାନ ଜନ ଗହଳିରୁ ଦୂରରେ ତଥା ଆଖପାଖ ଖୋଲା ଥିବା ସ୍ଥାନରେ କରିବାକୁ ନିର୍ଦ୍ଦେଶ ରହିଛି । ମାତ୍ର ଏମିତି କମ୍ପ୍ଲେକ୍ସ ଭିତରେ ଗ୍ୟାସ ବିକ୍ରି ସାଧାରଣରେ ବେଶ୍ ଚର୍ଚ୍ଚାର ବିଷୟ ହୋଇଛି। ସେହିପରି ଅତାବିରା ତଥା ଗୋଡଭଗା ଅଞ୍ଚଳର ଗାଁ ଗଣ୍ଡା ଓ ସହର ମଝିରେ ବିଭିନ୍ନ ସ୍ଥାନରେ ପ୍ରଶାସନିକ ଅଧିକାରୀ ମାନଙ୍କ ଅବହେଳା ତଥା କିଛି ସ୍ବାର୍ଥ ଲାଳସା ଯୋଗୁଁ ଏହିଭଳି ରାସାୟନିକ ପଦାର୍ଥ ଗୁଡ଼ିକର ବେନିୟମ କାରବାର ବୃଦ୍ଧି ପାଇବା ସହ କେତେବେଳେ ଯେ କେଉଁ ଅଘଟଣ ନଘଟିବ ବୋଲି ବୁଦ୍ଧିଜୀବୀ ମହଲରେ ପ୍ରଶ୍ନବାଚୀ ସୃଷ୍ଟି କରିଛି ।
Popular Categories
Previous article
Next article