ପଞ୍ଚମ ଦିନରେ ଉଦ୍ଧାର କାର୍ଯ୍ୟ, ସିଲ୍କ୍ୟାରା ସୁଡ଼ଙ୍ଗରେ ଫସି ରହିଥିବା ଶ୍ରମିକ ସୁରକ୍ଷିତ ସୂଚନା

ଡେସ୍କ: ଉତ୍ତରପ୍ରଦେଶର ନିର୍ମାଣାଧୀନ ସିଲ୍କ୍ୟାରା ସୁଡ଼ଙ୍ଗରେ ଫସି ରହିଥିବା ଶ୍ରମିକମାନଙ୍କୁ ଉଦ୍ଧାର କରିବା ପାଇଁ ଆଜି ପଞ୍ଚମ ଦିନ ପାଇଁ ରିଲିଫ ଓ ଉଦ୍ଧାର କାର୍ଯ୍ୟ ଜାରି ରହିଛି। ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି ରିଲିଫ ଓ ଉଦ୍ଧାର କାର୍ଯ୍ୟ ଉପରେ ନିରନ୍ତର ନଜର ରଖିଛନ୍ତି। ଡେରାଡୁନରେ ଶ୍ରୀ ଧାମି କହିଛନ୍ତି ଯେ କଠିନ ପରିସ୍ଥିତି ସତ୍ତ୍ୱେ ଉଦ୍ଧାର କାର୍ଯ୍ୟ ଯଥାଶୀଘ୍ର ଶେଷ ହେବ।

ଇତି ମଧ୍ୟରେ ସଡକ ପରିବହନ ଏବଂ ରାଜପଥ ରାଷ୍ଟ୍ରମନ୍ତ୍ରୀ କେନ୍ଦ୍ର ମନ୍ତ୍ରୀ ଜେନେରାଲ ଭିକେ ସିଂହ ଆଜି ରିଲିଫ ଏବଂ ଉଦ୍ଧାର କାର୍ଯ୍ୟ ନେଇ ସମୀକ୍ଷା କରିଛନ୍ତି। ଶ୍ରମିକମାନଙ୍କୁ ନିରାପଦରେ ସ୍ଥାନାନ୍ତର କରିବା ପାଇଁ ସରକାର ସମସ୍ତ ପ୍ରକାର ଉଦ୍ୟମ କରିବେ ବୋଲି ସେ କହିଛନ୍ତି। ନିର୍ମାଣାଧୀନ ସୁଡ଼ଙ୍ଗରେ ଫସି ରହିଥିବା ଶ୍ରମିକଙ୍କ ପରିବାର ସହ ସେ କଥା ହୋଇଛନ୍ତି। ନଭେମ୍ବର ୧୨ରେ ଭୂସ୍ଖଳନ ହେତୁ ୪୦ ଜଣ ଶ୍ରମିକ ନିର୍ମାଣାଧୀନ ସିଲ୍କ୍ୟାରା ସୁଡ଼ଙ୍ଗରେ ଫସି ରହିଛନ୍ତି।