ଟିଟିଲାଗଡ଼ – ଟିଟିଲାଗଡ଼ ବ୍ଳକର ଖୋଲାନ ପଞ୍ଚାୟତରେ ବିଶ୍ୱ ଶ୍ରମିକ ଦିବସ ଅବସରରେ ମଞ୍ଚରେ ଶ୍ରମିକ ଅତିଥି ଭାବରେ ସମ୍ମାନ ଏବଂ ସମ୍ବର୍ଦ୍ଧନା ଦିଆଯାଇଛି । ସରପଞ୍ଚ ନରେଶ ଅଗ୍ରୱାଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ସମାରୋହରେ ଟିଟିଲାଗଡ଼ ଡ଼ିଏଭି ସ୍ୱୟଂ ଶାସିତ ମହାବିଦ୍ୟାଳୟ ଅଧ୍ୟକ୍ଷ ଡ଼ଃ ମେଜର ମଧୁସୂଦନ ମିଶ୍ର ମୁଖ୍ୟଅତିଥି ଭାବରେ ଯୋଗଦେଇଥିଲେ । ବିଶ୍ୱକର୍ମା ରୂପକ ଶ୍ରମିକବର୍ଗଙ୍କ ସ୍ୱାର୍ଥ ରକ୍ଷା, ବିଭିନ୍ନ ସମସ୍ୟାର ସମାଧାନ, ସରକାରୀ ଯୋଜନାର ସୁଫଳ ପ୍ରଦାନ ପାଇଁ ସଭାରେ ମତ ପ୍ରକାଶ ପାଇଛି ।
ସମ୍ମାନିତ ଅତିଥି ଭାବରେ ଶ୍ରମିକ ଅଚ୍ୟୁତ ରଣା, ଦଶ ହଂସ, ଗୌରୀ ମାଝୀ ଯୋଗ ଦେଇଥିଲେ । ମନରେଗା କାର୍ଯ୍ୟରେ ପାଉଣା ମିଳିବାରେ ବିଳମ୍ବ, ଅନ୍ୟ କୌଣସି ସବୁଦିନିଆ କାମ ମିଳୁନଥିବା ନେଇ ସେମାନେ ସର୍ଦାର୍ ଠାରୁ ଅଗ୍ରୀମ ନେଇ ଇଟା ଭାଟିକୁ ଦାଦନ ଖଟିବାକୁ ଯାଉଥିବା ଅଭିଯୋଗ କରିଥିଲେ । ଏହି ଅବସରରେ ମନରେଗା ଯୋଜନାରେ ୧୦୦ ଏବଂ ୨୦୦ ଦିନ କାମ ସମ୍ପୂର୍ଣ୍ଣ କରିଥବା ଶ୍ରମିକଙ୍କୁ ମଞ୍ଚରେ ସମ୍ବର୍ଦ୍ଧିତ କରାଯିବା ସହ ଟାଣ ଖରାରୁ ରକ୍ଷା ପାଇଁ ଛତା ପ୍ରଦାନ କରାଯାଇଥିଲା ।
