ଜୟପ୍ରକାଶ କଲେଜରେ ଓଡ଼ିଆ ଭାଷା ସମ୍ମିଳନୀ

ଭବାନୀପାଟଣା: ସ୍ଥାନୀୟ ଜୟପ୍ରକାଶ ସାନ୍ଧ୍ୟ ଡିଗ୍ରୀ ମହାବିଦ୍ୟାଳୟରେ ବିଶ୍ୱ ଓଡ଼ିଆ ଭାଷା ସମ୍ମିଳନୀର ଉଦଯାପନ ସଭା ସୋମବାର ଅନୁଷ୍ଠିତ ହୋଇଛି । ଅଧ୍ୟକ୍ଷ ଛବିଲାଲ ସାହୁଙ୍କ ସଭାପତିତ୍ୱରେ ଅନୁଷ୍ଠିତ  ଆଲୋଚନାଚକ୍ର ର ପ୍ରଥମ ଅଧିବେଶନରେ ଆଲୋଚକ ଭାବେ ବିଶିଷ୍ଟ ନାଟ୍ୟକାର ଉମେଶଚନ୍ଦ୍ର ଶତପଥୀ, ପ୍ରାବନ୍ଧିକ ଦାଶରଥି ଆଚାର୍ଯ୍ୟ ଏବଂ ବିଶିଷ୍ଟ ସମାଲୋଚକ ପ୍ରତାପ ସେନାପତି ପ୍ରମୁଖ ଯୋଗଦେଇ ଓଡ଼ିଆ ଭାଷାର ମହନୀୟତା ଓ ଓଡ଼ିଆ ଜନଜୀବନରେ ଏହାର ଉପଯୋଗୀତା ସମ୍ପର୍କରେ ଆଲୋକପାତ କରିଥିଲେ। ପ୍ରମିଳା ମେହେର, କୈଳାସ ହଂସ, ଜୟନ୍ତୀ ଗହୀର, ତୁଳସୀ କରୁଆଁ ପ୍ରମୁଖ ଭିତ୍ତିପ୍ରବନ୍ଧ ପାଠ କରିଥିଲେ। ଦ୍ଵିତୀୟ ଅଧିବେଶନରେ ବିଶିଷ୍ଟ ସାମ୍ବାଦିକ  ଉମାଶଙ୍କର କର, ବିଶିଷ୍ଟ ଗାଳ୍ପିକ ବିଜୟ ପ୍ରଧାନ, ଗାଳ୍ପିକ ଡିଲେଶ୍ୱର ରଣା ପ୍ରମୁଖ ଯୋଗଦେଇଥିଲେ। ଏହି ଅବସରରେ ଓଡ଼ିଶାର ପ୍ରତିଷ୍ଠିତ ୧୦୧ ସାହିତ୍ୟିକଙ୍କ ଫଟୋଚିତ୍ର ଓ ସାରସ୍ୱତ କୃତି ତଥା ଓଡ଼ିଶାର ଭାଷା ଓ ଲିପି ସମ୍ପର୍କିତ ବିଶାଳ ମନୋଜ୍ଞ ପ୍ରଦର୍ଶନୀର ଆୟୋଜନ କରାଯାଇଥିଲା।