ରାଷ୍ଟ୍ର ନିର୍ମାଣରେ ଉଦ୍ୟୋଗୀଙ୍କ ଗୁରୁତ୍ୱପୂର୍ଣ୍ଣ ଭୂମିକା ରହିଛି

ଭୁବନେଶ୍ୱର: ଓଡ଼ିଶା ଉଦ୍ୟୋଗୀ ପରିବାରର ପ୍ରଥମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମରେ କେନ୍ଦ୍ର ନିର୍ବାଚନ ଆୟୋଗଙ୍କ ପୂର୍ବତନ ଉପଦେଷ୍ଟା ଭଗବାନ ପ୍ରକାଶ, ମୁଖ୍ୟ ଅତିଥି ଭାବେ ପୂର୍ବତନ ମୁଖ୍ୟ ଶାସନ ସଚିବ ସହଦେବ ସାହୁ, ପୂର୍ବତନ ବିଧାୟକ, ସମାଜସେବୀ ଦିଲ୍ଲୀପ ଶ୍ରୀଚନ୍ଦନ ପ୍ରମୁଖ ଯୋଗଦେଇ ରାଷ୍ଟ୍ର ନିର୍ମାଣରେ ଉଦ୍ୟୋଗୀମାନଙ୍କର ଭୂମିକା ଗୁରୁତ୍ୱପୂର୍ଣ୍ଣ ବୋଲି ମତବ୍ୟକ୍ତ କରିଥିଲେ। ସବୁଜିମା କ୍ଷେତ୍ରରେ ବୈପ୍ଳବିକ ପରିବର୍ତ୍ତନ ଆଣିବା ପାଇଁ ସମସ୍ତେ ପ୍ରୟାସ କରନ୍ତୁ ବୋଲି ସେମାନେ ଆହ୍ୱାନ ଦେଇଥିଲେ। ଓଡ଼ିଶା ଉଦ୍ୟୋଗୀ ପରିବାରର ପ୍ରତିଷ୍ଠାତା ଓ ସଭାପତି ସମାଜସେବୀ ଶିବ ନାରାୟଣ ମିଶ୍ର ସଭା କାର୍ଯ୍ୟକୁ ପରିଚଳନା କରିଥିଲେ। କାର୍ଯ୍ୟକ୍ରମରେ ସିଦ୍ଧାର୍ଥ ଶେଖର ପଟ୍ଟନାୟକ, ଅଚ୍ୟୁତାନନ୍ଦ ବରାଳ, ବି. ପି. ସିଂ, ଚୈତନ୍ୟ ପାଲ ଓ ଆଦିତ୍ୟ ମହାନ୍ତିଙ୍କୁ ଶ୍ରେଷ୍ଠ ନେତୃତ୍ୱ ସମ୍ମାନରେ ସମ୍ମାନିତ କରାଯାଇଥିଲା। ଆନନ୍ଦ ଚନ୍ଦ୍ର ସ୍ୱାଇଁ, ଧରଣୀଧର, ସା, ସୂରଜ ପାତ୍ର ଓ ଆସିଫ୍ ଅଲ୍ଲୀ ଖାଁଙ୍କୁ ଉପଦେଷ୍ଟା ଭାବେ ସମ୍ମାନିତ କରାଯାଇଥିଲା। ପ୍ରଦୀପ ପାଣି ଧନ୍ୟବାଦ ଅର୍ପଣ କରିଥିଲେ।