ରେଙ୍ଗାଲିକ୍ୟାମ୍ପ: ଅତାବିରା ଦେଇ ଯାଇଥିବା ୫୩ ନଂ ଜାତୀୟ ରାଜପଥର ଲlଦେର ପାଲି କାଣ୍ଡ ପାଲି ଛକରେ ବରଗଡ଼ ବେହେରା ଟିକ୍ରା ୱାର୍ଡ ନଂ ୨ର ଆଇନଜୀବୀ ଅନିଲ ବେହେରା ତାଙ୍କ ସ୍ତ୍ରୀ ସୁନୀତା ବେହେରାଙ୍କ ସହିତ ସମ୍ବଲପୁର ଅଭିମୁଖେ ଏକ ବାଇକରେ ଯାଉଥିବା ବେଳେ ଲାଦେର ପାଲି ଛକ ଠାରେ ପଛପଟୁ ଆସୁଥିବା ଏକ ଫଳ ବୋଝେଇ ଅଟୋ ଧକ୍କା ଦେଇ ପୁଣି ଡିଭାଇଡରରେ ବlଡେଇ ହୋଇ ଥିଲା। ଫଳରେ ବାଇକରେ ଥିବା ସ୍ୱାମୀ ସ୍ତ୍ରୀ ଉଭୟେ ଛିଟିକି ପଡ଼ି ଗୁରୁତର ଆହତ ହୋଇଥିଲେ। ସ୍ଥାନୀୟ ଲୋକମାନେ ଆମ୍ବୁଲାନ୍ସକୁ ଡ଼କାଇ ତାଙ୍କୁ ଚିକିତ୍ସା ପାଇଁ ଡାକ୍ତରଖାନା ନେବା ପାଇଁ ଚାହିଁଥିଲେ। କିନ୍ତୁ ଆମ୍ବୁଲାନ୍ସ ପହଞ୍ଚାଇବାରେ ବିଳମ୍ବ ହୋଇଥିଲା। ସୌଭାଗ୍ୟ ବଶତଃ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚିବା ପରେ ପୋଲିସ ତାଙ୍କୁ ଉଦ୍ଧାର କରି ଗାଡ଼ିରେ ଅତାବିରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଆଣିଥିଲେ। କିନ୍ତୁ ପ୍ରାଥମିକ ଚିକିତ୍ସା ପରେ ଅବସ୍ଥା ଗୁରୁତର ଥିବାରୁ ତାଙ୍କୁ ବରଗଡ଼ର ବିକାଶ ହସ୍ପିଟାଲକୁ ନିଆଯାଇଥିଲା। ସେମାନଙ୍କର ଚିକିତ୍ସା ଚାଲୁ ରହିଛି।
Comments are closed.