ପାଟଣା: ପାଟଣା ବନାଞ୍ଚଳ ଅନ୍ତର୍ଗତ ମାଛଗଡ଼ ବିଟ କମାରମରା ଗ୍ରାମକୁ ପଶି ଆସିଥିବା ଏକ ହରିଣକୁ ଲୋକେ ଗୋଡ଼ାଇ ଗୋଡ଼ାଇ ପିଟି ପିଟି ମାରି ଦେଇଛନ୍ତି। ହରିଣଟିକୁ ଦେଖିବା ପରେ ଲୋକେ ଗୋଡ଼ାଇ ଗୋଡ଼ାଇ ଆକ୍ରମଣ କରିଥିଲେ। ଖବର ପାଇ ବନପାଳ ଭୂପତି ସେଠି, ବନରକ୍ଷୀ ରଞ୍ଜିତା ମହାନ୍ତ ଓ ନିରୂପମା ମହାକୁଡ଼ ଏବଂ ପାରା କର୍ମଚାରୀ ସେମାନଙ୍କ ପିଛା କରିଥିଲେ।ତେବେ ଘଟଣାସ୍ଥଳରେ ପହଞ୍ଚିବା ବେଳକୁ ହରିଣଟି ମୃତ୍ୟୁ ବରଣ କରିସାରିଥିଲା। ଆନୁମାନିକ ୨ ବର୍ଷ ବୟସର ଏହି ହରିଣର ମୃତଦେହକୁ ପାଟଣା ଅଣାଯିବା ପରେ ପ୍ରାଣୀ ଚିକିତ୍ସାଳୟରେ ଶବ ବ୍ୟବଚ୍ଛେଦ କରାଯାଇ ବନାଞ୍ଚଳ କାର୍ଯ୍ୟାଳୟ ପରିସରରେ ପୋତି ଦିଆଯାଇଥିବା ଜଣାପଡିଛି। ଆଜି ସକାଳେ ଏହି ଘଟଣା ଘଟିଥିବା ବେଳେ ଘଟଣାସ୍ଥଳରୁ ବନବିଭାଗ ୨ଟି ଲାଠି ଜବତ କରିବା ସହ ଜଣକୁ ଗିରଫ କରିଛି। ଗିରଫ ବ୍ୟକ୍ତି ଜଣକ କମାରମରା ଗ୍ରାମର ସଞ୍ଜୟ କୁମାର ମହାନ୍ତ (୨୪) ବୋଲି ଜଣାପଡିଛି। ସେ ହରିଣଟିକୁ ବସ୍ତାରେ ପୁରାଇ ନେଇଯାଉଥିବା ବେଳେ ବନ ବିଭାଗ ହାବୁଡ଼ରେ ପଡ଼ି ଯାଇଥିଲେ।
Comments are closed.