ପତଞ୍ଜଳି ଯୋଗ କେନ୍ଦ୍ରରେ ଶହୀଦ ଦିବସ ପାଳିତ

ସମ୍ବଲପୁର: ସମ୍ବଲପୁରର ହୀରାକୁଦ କଲୋନୀ ସ୍ଥିତ ନିଃଶୁଳ୍କ ପତଞ୍ଜଳି ଯୋଗ କେନ୍ଦ୍ର ଠାରେ ଶହୀଦ ଦିବସ ପାଳିତ ହୋଇଯାଇଛି। କେନ୍ଦ୍ରର ପ୍ରଶିକ୍ଷିକା ତଥା ରାଜ୍ୟ ମହିଳା ପ୍ରଭାରୀ ଜେ. ଗିରିଜା ଦେବୀଙ୍କ ଅଧ୍ୟକ୍ଷତାରେ ସଭା କାର୍ଯ୍ୟ କରାଯାଇ ଶହୀଦ ଦିବସ ଉପଲକ୍ଷେ ଶହୀଦ ଭଗତ ସିଂ, ଶହୀଦ ଶୁକଦେବ ଓ ଶହୀଦ ରାଜଗୁରୁ ଙ୍କୁ ଗଭୀର ଶ୍ରଦ୍ଧାଞ୍ଜଳି ଦିଆଯାଇଥିଲା। ଏହି ଦିବସ ପାଳନର ମହତ୍ୱ ଓ ଶହୀଦ ମାନଙ୍କ ଦେଶ ପାଇଁ ବଳିଦାନ ଉପରେ ବକ୍ତା ମାନେ ଆଲୋଚନା କରିଥିଲେ। ସଭା କାର୍ଯ୍ୟ ପରେ କେନ୍ଦ୍ରର ସଦସ୍ୟ ଓ ସଦସ୍ୟା ମାନେ ହୀରାକୁଦ କଲୋନୀରୁ ଏକ ଶୋଭାଯାତ୍ରାରେ ବାହାରି ଗୋଲବଜାର ଛକ ପର୍ଯ୍ୟନ୍ତ ଶହୀଦ ମାନଙ୍କ ପାଇଁ ବିଭିିନ୍ନ ସ୍ଲୋଗାନ ଦେଇ ଯାଇଥିଲେ। ସେଠାରେ ଥିବା ଶହୀଦ ମାନଙ୍କର ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ। ଏହି କାର୍ଯ୍ୟକ୍ରମରେ ଯୋଗ କେନ୍ଦ୍ରର ପଦ୍ମିନୀ ମୁଣ୍ଡା, ରିୟା, ବିଜୁ ପଟୱାରି, ଗିରିଧାରୀ ଅଗ୍ରୱାଲ, ଜୟନ, କଲ୍ୟାଣୀ ଚିନ୍ଦ୍ରା, ବିଶ୍ୱ ଚିନ୍ଦ୍ରା, ଅଞ୍ଜନା ବାରିକ, ଅଶୋକ ଦୀକ୍ଷିତ, ପଙ୍କଜିନି ରାଉତ ଙ୍କ ସମେତ ସମସ୍ତ ସଦସ୍ୟ ଓ ସଦସ୍ୟା ସକ୍ରିୟ ସହଯୋଗ କରିଥିଲେ।

Comments are closed.