ଧାମରା: ଚାନ୍ଦବାଲି-ଧାମରା ଜଳପଥରେ ଦୈନିକ ଯାତାୟତ କରୁଥିବା ଯାତ୍ରୀବାହୀ ଲଂଚ ବ୍ରାହ୍ମଣୀ ଅଧା ବାଟରେ ଖରାପ ହୋଇ ପଡ଼ିଛି। ଏହି ଲଂଚରେ ଯାତାୟତ କରୁଥିବା ଯାତ୍ରୀ ମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଛନ୍ତି। ପ୍ରାପ୍ତ ଖବରରୁ ଜଣାଯାଇଛି ଗତକାଲି ଅପରାହ୍ଣ ୨.୩୦ମିନଟ ସମୟରେ ଚାନ୍ଦବାଲିରୁ ଛାଡିଥିବା ଯାତ୍ରିବାହୀ ଲଂଚ ବ୍ରାହ୍ମଣୀ ୩୦ଜଣ ଯାତ୍ରୀଙ୍କୁ ନେଇ କେନ୍ଦ୍ରାପଡ଼ା ଜିଲ୍ଲା ତାଳଚୁଆ ଅଭିମୁଖେ ଯାତ୍ରା ଆରମ୍ଭ କରିଥିଲା। ଯାତ୍ରା ଆରମ୍ଭ କରିବାର ୪୫ମିନଟ ପରେ ଏହି ଲଂଚରେ ଯାନ୍ତ୍ରୀକ ଅସୁବିଧା ଦେଖା ଦେଇଥିଲା। ଫଳରେ ନଦୀ ମଧ୍ୟରେ ଏହି ଲଂଚଟି ଭାସି ଭାସି କେନ୍ଦ୍ରାପଡ଼ା ଜିଲ୍ଲା ବଜରପୁର ଠାରେ ଲାଗିଥିଲା। ମାତ୍ର ଏହି ସ୍ଥାନରୁ ଯାତ୍ରୀ ମାନେ ନିଜର ଗନ୍ତବ୍ୟ ସ୍ଥାନକୁ ଯାତ୍ରା କରି ପାରି ନଥିଲେ।ବହୁ ସମୟ ଅପେକ୍ଷା କରିବା ପରେ ବହୁ ଯାତ୍ରୀ ଅନ୍ୟ ଉପାୟ ନପାଇ ବହୁ ଅର୍ଥ ବ୍ୟୟ କରି ଫେରିଥିବା ବେଳେ କିଛି ଯାତ୍ରୀ ଆଉ ଏକ ବେସରକାରୀ ବୋଟରେ ନିଜ ଗନ୍ତବ୍ୟ ସ୍ଥାନକୁ ଯାତ୍ରା କରିଥିବା ଏକ ଅସମର୍ଥିତ ସୂତ୍ରରୁ ପ୍ରକାଶ।
Popular Categories
Previous article
Next article