ବ୍ରହ୍ମପୁର ବିଶ୍ଵବିଦ୍ୟାଳୟ ଚେସ ମହିଳା ଦଳର ବିଳାସପୁର ଗସ୍ତ

ଗୋପାଳପୁର: ବ୍ରହ୍ମପୁର ବିଶ୍ବବିଦ୍ୟାଳୟ କ୍ରୀଡ଼ା ପରିଷଦ ପକ୍ଷରୁ ଆଜି ଚେସ ମହିଳା ଦଳ ବିଳାସପୁର ଗସ୍ତ କରିଛନ୍ତି। ବିଳାସପୁର ସ୍ଥିତ ଅଟଳ ବିହାରୀ ବାଜପେୟୀ ୟୁନିଭରସିଟି ଠାରେ ଚଳିତ ମାସ ୨୪ ତାରିଖ ଠାରୁ ୨୮ ତାରିଖ ପର୍ଯ୍ୟନ୍ତ ହେବାକୁ ଥିବା ପୂର୍ବାଞ୍ଚଳ ଅନ୍ତଃବିଶ୍ବବିଦ୍ୟାଳୟ ପ୍ରତିଯୋଗିତାରେ ଭାଗ ନେବେ। ଦଳରେ ବାଲିଗୁଡା ଆଦିବାସୀ କଲେଜର ନିର୍ମିତା ପ୍ରଧାନ, ଶୁଭଶ୍ରୀ କହଁର, ପୂଜା ମଲ୍ଲିକ, ସାମନ୍ତିଆପଲ୍ଲି ଏସ ବି ପି ମହାବିଦ୍ୟାଳୟର କେ. ରୁପଚା ରହିଥିବା ବେଳେ ମ୍ୟାନେଜର ଓ ପ୍ରଶିକ୍ଷକ ଭାବେ ଖଲ୍ଲିକୋଟ ଆରସିଏମ ସାଇନ୍ସ କଲେଜର ଖେଳ ଶିକ୍ଷକ ଜଗଦୀଶ ପାଢ଼ୀ ଦଳରେ ଗସ୍ତ ଜରିଛନ୍ତି। କ୍ରୀଡ଼ା ପରିଷଦ ପକ୍ଷରୁ କୁଳପତି ପ୍ରଫେସର ଗିତାଞ୍ଜଳୀ ଦାଶ, କ୍ରୀଡ଼ା ପରିଷଦ ସମ୍ପାଦକ ଡ.ସାରଦା ପ୍ରସାଦ ସାହୁ, ଜି. ସତ୍ୟ ନାରାୟଣ, ରାଜେଶ କୁମାର ମହାନ୍ତି, ରବି ଚରଣ ମିଶ୍ର, ବିନାୟକ ରଥ, ଡ଼. ରମାକାନ୍ତ ଭୂୟାଁ, ପ୍ରଦୀପ କୁମାର ନାୟକ ପ୍ରମୁଖ ଶୁଭେଚ୍ଛା ଜଣାଇଛନ୍ତି।