ସମ୍ବଲପୁର: ଗୁରୁବାର ନେତାଜୀ ସୁଭାଷ ଚନ୍ଦ୍ର ବୋଷ ଏବଂ ଓଡ଼ିଶାର ସ୍ୱାଧୀନତା ସଂଗ୍ରାମୀ ବୀର ସୁରେନ୍ଦ୍ର ସାଏଙ୍କ ଜନ୍ମବାର୍ଷିକୀ ଅବସରରେ ରାଷ୍ଟ୍ରୀୟ ସ୍ୱୟଂସେବକ ସଂଘ ଓଡ଼ିଶା ପଶ୍ଚିମ ପ୍ରାନ୍ତ ଦ୍ୱାରା ’ସ୍ୱର ମଙ୍ଗଳମ୍’ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଏହି କାର୍ଯ୍ୟକ୍ରମ ସନ୍ଧ୍ୟା ୭ଟାରେ ମାଁ ସମଲେଶ୍ୱରୀ ମନ୍ଦିର ପରିସରରେ ହୋଇଥିଲା। ଏହି ଅବସରରେ ପଶ୍ଚିମ ଓଡ଼ିଶାର ସଙ୍ଗୀତ ଜଗତର ୧୧ ଜଣ ବିଶିଷ୍ଟ ଅତିଥି ଉପସ୍ଥିତ ଥିଲେ। ୫୪ ଜଣ ଘୋଷ ବାଦକ ୩୭ ଟି ଘୋଷ ରଚନା ବାଦନ କରିଥିଲେ। ଆନକ, ପଣବ, ଶଙ୍ଖ, ତୁର୍ଯ୍ୟ, ବେଣୁ, ସ୍ୱରଦ, ମଧୁରିକା, ଝାଞ୍ଜ, ତ୍ରିଭୁଜ, ଗୋ ମୁଖ ଇତ୍ୟାଦି ବାଦ୍ୟ ପ୍ରଦର୍ଶିତ ହୋଇଥିଲା। ଘୋଷ ବାଦକଙ୍କ ଦ୍ୱାରା ବିପତ୍ ତାଳ, ଧନୁ ତୀର, ସ୍ୱସ୍ତିକ, ଶିବଲିଙ୍ଗ ଇତ୍ୟାଦି ସଂରଚନା ପ୍ରଦର୍ଶିତ ହୋଇଥିଲା। ପରମାର୍ଥ, ଗୋବର୍ଦ୍ଧନ, ଭୂପ, ପାହାଡି, ଜୟସ୍ତୁତେ, ବଙ୍ଗଶ୍ରୀ, ମେୱାଡ, ଦେଶକାର, ଶିବରଞ୍ଜନୀ, କର୍ଣ୍ଣାଟକୀ, ଦଶମେଶ, ତିଲକ କାମୋଦ ଇତ୍ୟାଦି ରଚନା (ରାଗ) ପ୍ରଦର୍ଶନ କରିଥିଲେ। ଏହି ଅବସରରେ ପ୍ରାନ୍ତ ସଂଘଚାଳକ ଡକ୍ଟର ସନାତନ ପ୍ରଧାନ ଜୀ ତାଙ୍କର ବକ୍ତବ୍ୟ ରଖିଥିଲେ। ପ୍ରାନ୍ତ ଶାରୀରିକ ଶିକ୍ଷଣ ପ୍ରମୁଖ ହରେକୃଷ୍ଣ ମାଝୀ କାର୍ଯ୍ୟକ୍ରମକୁ ପରିଚାଳନା କରିଥିଲେ।
Popular Categories
Previous article
Next article