ଫୁଲବାଣୀ: ଫୁଲବାଣୀ ଉଠା ଜଳସେଚନ ବିଭାଜନ ପକ୍ଷରୁ ବିଭାଜନ ସ୍ତରୀୟ ପାଣି ପଞ୍ଚାୟତ ପକ୍ଷ ପାଳନ କାର୍ଯ୍ୟାଳୟ ପରିସରରେ ନିର୍ବାହୀ ଯନ୍ତ୍ରୀ ଇଂ.ରଞ୍ଜନ ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟ ଅତିଥିଭାବେ ଫୁଲବାଣୀ ବିଧାୟକ ଉମା ଚରଣ ମଲିକ, ସମ୍ମାନିତ ଅତିଥିଭାବେ ଖଜୁରିପଡ଼ା ବ୍ଲକ ଅଧ୍ୟକ୍ଷା ସୁଶ୍ରୀ ଅନିମା କହଁର, ସହକାରୀ ଉଦ୍ୟାନ କୃଷି ଅଧିକାରୀ ସରୋଜ କୁମାର ସାହୁ, ଜିଲା ମତ୍ସ୍ୟ ଅଧିକାରୀ ପ୍ରଫୁଲ କହଁର, ସମାଜସେବୀ ପ୍ରକାଶ ମଙ୍ଗରାଜ, ଏଡ଼ିଭିଓ ପ୍ରଣବ ପଟନାୟକ ପ୍ରମୁଖ ଯୋଗଦେଇ ପାଣି ପଞ୍ଚାୟତର ଆବଶ୍ୟକତା ଉପରେ ଆଲୋକପାତ କରିଥିଲେ। ଏହି ଅବସରରେ ବାଲିଗୁଡ଼ା, ତୁମୁଡ଼ିବନ୍ଧ, କୋଟଗଡ଼଼ ଓ ନୂଆଗାଁ ଆଦି ବ୍ଲକର ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କୁ ନେଇ ଆୟୋଜିତ ବିଭିନ୍ନ ପ୍ରତିଯୋଗିତାରେ କୃତି ଛାତ୍ରଛାତ୍ରୀ ମାନଙ୍କୁ ଅତିଥିମାନେ ପୁରସ୍କୃତ କରିଥିଲେ।
ଏହି ଅବସରରେ ଚାଷୀ ମାନଙ୍କ ପାଇଁ ଏକ ଶପଥ ପାଠ ବିଧାୟକଙ୍କୁ ଦ୍ୱାରା କରାଯାଇଥିଲା। ସହକାରୀ ନିର୍ବାହୀ ଯନ୍ତ୍ରୀ ଶିତିକଣ୍ଠ ସାହୁ ଅତିଥି ପରିଚୟ ପ୍ରଦାନ କରିଥିବା ବେଳେ ସହକାରୀ ନିର୍ବାହୀ ଯନ୍ତ୍ରୀ ଇଂ ସତ୍ୟଜିତ୍ ପଣ୍ଡା ଧନ୍ୟବାଦ ଅର୍ପଣ କରିଥିଲେ। ଏହି ଅବସରରେ ପାଣି ବିଭିନ୍ନ ପଞ୍ଚାୟତର ପ୍ରତିନିଧି ଶେଷଦେବ ରଣା, ରଂଜିତ୍ ପ୍ରଧାନ ଓ ରାଜ କୁମାରୀ ମଲିକ ପ୍ରମୁଖ ବିଭିନ୍ନ ଦିଗ ଉପରେ ମତ ପ୍ରକାଶ କରିଥିଲେ। କାର୍ଯ୍ୟକ୍ରମ ପରିଚାଳନାରେ କନିଷ୍ଠଯନ୍ତ୍ରୀ ମହେନ୍ଦ୍ର କୁମାର ଦତ୍ତ, ଚନ୍ଦନ ପରିଡ଼ା ଓ ଦେବ୍ୟାବାସ ଧାନ୍ ଓ କାର୍ଯ୍ୟାଳୟର ସମସ୍ତ କର୍ମଚାରୀ ମାନେ ସହଯୋଗ କରିଥିବା ବେଳେ ଏଥିରେ ଜିଲାର ଶତାଧିକ ପରୁଷ ଓ ମହିଳା ଚାଷୀମାନେ ଯୋଗ ଦେଇଥିଲେ।
Comments are closed.