ଆଠଗଡ: ଆଠଗଡ ବ୍ଲକର ରାଜନଗରସ୍ଥିତ ହରିହରାନନ୍ଦ ଶିକ୍ଷାଶ୍ରମରେ ଦୁଇଦିନିଆ ବାର୍ଷିକ କ୍ରୀଡା ଉତ୍ସବ ଶୁକ୍ରବାର ଉଦଯାପିତ ହୋଇଯାଇଛି। ତିଗିରିଆର ପିପି ଦେବ କଲେଜର ପ୍ରାକ୍ତନ ଅଧ୍ୟକ୍ଷା ପ୍ରଫେସର ଡଃ ସୁଧାଂଶୁବାଳା ଦାସ ମୁଖ୍ୟଅତିଥି ଏବଂ ରାଜନଗର ପଞ୍ଚାୟତର ପୂର୍ବତନ ସରପଞ୍ଚ ମହେନ୍ଦ୍ର କୁମାର ପରିଡା ସମ୍ମାନିତ ଅତିଥି ଭାବେ ଯୋଗଦେଇ ଗୁରୁବାର ଏହି କ୍ରୀଡା ଉତ୍ସବକୁ ଉଦଘାଟନ କରିଥିଲେ। ଏହି ବାର୍ଷିକ କ୍ରୀଡା ଉତ୍ସବରେ ସ୍କୁଲର ୭ଟି ଶ୍ରେଣୀର ୯୪ଜଣ ବିଦ୍ୟାର୍ଥୀ ୧୩ଟି କ୍ରୀଡା ବିଭାଗରେ ଅଂଶଗ୍ରହଣ କରିଥିଲେ। ସେମାନଙ୍କ ମଧ୍ୟରୁ ୪୧ ଜଣ କୃତି ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା। ଶିକ୍ଷାଶ୍ରମର ଅଧ୍ୟକ୍ଷା ପ୍ରିୟଙ୍କା ସାହୁଙ୍କ ପୌରୋହିତ୍ୟରେ ଅନୁଷ୍ଠିତ ଉଦଯାପନୀ ଉତ୍ସବରେ ମୁଖ୍ୟଅତିଥି ରୂପେ ବେତଖୋଲିସ୍ଥିତ ହରିହରାନନ୍ଦ ଆଶ୍ରମର ମୁଖ୍ୟ ଆଞ୍ଜନେୟାନନ୍ଦ ଗିରି ଯୋଗଦେଇ କ୍ରୀଡାର ଆବଶ୍ୟକତା ଓ ଉପାଦେୟତା ବିଷୟରେ ଆଲୋକପାତ କରିଥିଲେ। ଏଥିରେ ସମ୍ମାନିତ ଅତିଥି ଭାବେ ଶିକ୍ଷାବିତ ବିମଳୀ ଦାଶ, ଡଃ ସୁଧାଂଶୁବାଳା ଦାସ, ନିରୁପମା ସାମଲ ଓ ଚିତ୍ତରଞ୍ଜନ ରାଉତ ପ୍ରମୁଖ ଯୋଗଦେଇ ଛାତ୍ରଛାତ୍ରୀଙ୍କୁ ଶିକ୍ଷା ସହିତ କ୍ରୀଡା ପାଇଁ ଉତ୍ସାହିତ କରିଥିଲେ।
Comments are closed.