ଜି.ଉଦୟଗିରି: ଜି.ଉଦୟଗିରି ପ୍ରେସକ୍ଳବ ପକ୍ଷରୁ ଆଜି ସ୍ଥାନୀୟ ବ୍ୟବସାୟୀ ସଂଘ ସଭାଗୃହରେ ଜାତୀୟ ପ୍ରେସ ଦିବସ ପାଳିତ ହୋଇଯାଇଛି। ପ୍ରେସକ୍ଳବ ଉପ ସଭାପତି ରାମକୃଷ୍ଣ ଚୌଧୁରୀଙ୍କ ଅଧ୍ୟକ୍ଷତାରେ ଆଜି ଆୟୋଜିତ କାର୍ଯ୍ୟକ୍ରମରେ ଗଣତନ୍ତ୍ରର ୪ର୍ଥ ସ୍ଥମ୍ବ କୁହାଯାଉଥିବା ସାମ୍ବାଦିକ ମାନଙ୍କ ଭୂମିକା ଏବଂ ସେମାନେ କେତେ ସୁରକ୍ଷିତ ସେ ନେଇ ଆଲୋଚନା ହୋଇଥିଲା। ସାଂପ୍ରତିକ ପରିସ୍ଥିତିରେ ଗଣମାଧ୍ୟମ ପ୍ରତିନିଧିମାନେ ନିଜକୁ ସୁରକ୍ଷା ଏବଂ ସ୍ବାଭିମାନକୁ ବଜାୟ ରଖି ନିର୍ଭୀକ, ନିରପେକ୍ଷ ଓ ସତ୍ୟ ସମ୍ବାଦ ପରିପ୍ରକାଶ କରିପାରିଲେ ଜାତୀୟ ପ୍ରେସ ଦିବସର ଉଦ୍ଦେଶ୍ୟ ସାଧିତ ହୋଇପାରିବ ବୋଲି ଉପ ସଭାପତି ଶ୍ରୀ ଚୌଧୁରୀ ନିଜ ବକ୍ତବ୍ୟରେ ପ୍ରକାଶ କରିଥିଲେ। ଏଥି ସହିତ ସଂଘୀୟ ଏକତା ରହିଲେ ଗଣମାଧ୍ୟମ ପ୍ରତି ଅଙ୍ଗୁଳୀ ନିର୍ଦ୍ଦେଶ ହେବନାହିଁ ବୋଲି ମଧ୍ୟ କହିଥିଲେ।ଆୟୋଜିତ କାର୍ଯ୍ୟକ୍ରମରେ ସମ୍ପାଦକ ଅନୀଲ ଦଳବେହେରା, ସଙ୍ଗଠନ ସମ୍ପାଦକ ଗଗନ ପ୍ରଧାନ, ସମୀର କୁମାର ପାଢୀ, ପ୍ରଶନ୍ନ ମିଶ୍ର, ଚିନ୍ମୟ ସେଠୀ, ଅବନୀ ପ୍ରଧାନ ଉପସ୍ଥିତ ଥିବାବେଳେ ଶେଷରେ ପ୍ରେସକ୍ଳବ କୋଷାଧ୍ୟକ୍ଷ ପ୍ରତାପ ଚନ୍ଦ୍ର ପାଢୀ ଧନ୍ୟବାଦ ଅର୍ପଣ କରିଥିଲେ।
Comments are closed.