ଗୋପାଳପୁର: ଗୋପାଳପୁର ସହରକୁ ସଂଯୋଗ କରୁଥିବା ମୁଖ୍ୟ ରାସ୍ତାର ଓ ସି ଟି କଲେଜ ସମ୍ମୁଖରେ ଥିବା ଏକ ବିରାଟକାୟ ବରଗଛ ଆଜି ସକାଳେ ହଠାତ୍ ଉପୁଡ଼ି ଯିବାରୁ ପ୍ରାୟ ୧ ଘଣ୍ଟା ରାସ୍ତା ଜାମ ରହିଥିଲ। ଖବର ପାଇ ବନ ବିଭାଗ ଓ ଅଗ୍ନିଶମ ବାହିନୀର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ୧ ଘଣ୍ଟା ମଧ୍ୟରେ ବରଗଛକୁ କାଟି ରାସ୍ତାକୁ ସଫା କରିବା ପରେ ଯାତାୟତ ସ୍ବାଭାବିକ ହୋଇଥିଲା। ଆଜି ସକାଳ ପ୍ରାୟ ୮ଟା ୪୫ ମିନିଟ୍ ସମୟରେ ହଠାତ ବରଗଛଟି ମୂଳରୁ ଉପୁଡ଼ି ଯାଇ ରାସ୍ତା ଉପରେ ଓଲଟି ପଡିଥିଲା। କିନ୍ତୁ ସୈାଭାଗ୍ୟ ବଶତଃ ସେହି ସମୟରେ ବର୍ଷା ଲାଗି ରହିଥିବାରୁ ଉକ୍ତ ରାସ୍ତାରେ ଲୋକଙ୍କ ଯାତାୟାତ ସହ ଗାଡ଼ି ମୋଟର ଚଳାଚଳ କମ ରହିଥିବାରୁ ଏକ ନିଶ୍ଚିତ ବଡ ଦୁର୍ଘଟଣାରୁ ସମସ୍ତେ ବର୍ତ୍ତି ଯାଇଥିଲେ। ଖବର ପାଇ ଗୋପାଳପୁର ପୁଲିସ ଓ ଏନଏସି ପକ୍ଷରୁ ବନବିଭାଗ ସମେତ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା। ଖବର ପାଇ ଅଗ୍ନିଶମ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ରାସ୍ତା ସଫା କରିଥିଲେ।
Popular Categories
Previous article
Next article