ଗୋପାଳପୁର: ସାରା ବିଶ୍ବରେ ଆନ୍ତର୍ଜାତିକ ଯୋଗ ଦିବସ ପାଳିତ ହେଉଥିବା ବେଳେ ଏହି କ୍ରମରେ ଗୋପାଳପୁର ଓ କନିଷି ଠାରେ ଅନୁଷ୍ଠିତ କାର୍ଯ୍ୟକ୍ରମରେ ପରିବହନ ଖଣି ଓ ଇସ୍ପାତମନ୍ତ୍ରୀ ବିଭୂତି ଭୂଷଣ ଜେନା ଯୋଗ ଦେଇ ପ୍ରତିଦିନ ଯୋଗ କରିବା ସହ ଯୋଗ କଲେ ନିରୋଗ ରହି ପାରିବା ବୋଲି ମତବ୍ୟକ୍ତ କରିଥିଲେ। ଗୋପାଳପୁର ଏନ ଏ ସି ପକ୍ଷରୁ ବେଳାଭୂମି ଠାରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ମନ୍ତ୍ରୀ ଶ୍ରୀ ଜେନା ଯୋଗଦେଇ କାର୍ଯ୍ୟକ୍ରମର ଶୁଭାରମ୍ଭ କରିବା ସହ ଉପସ୍ଥିତ ଲୋକଙ୍କ ସହ ମିଶି ଯୋଗ କରିଥିଲେ। ଅନ୍ୟ ମାନଙ୍କ ମଧ୍ୟରେ ଏନ ଏ ସି ନିର୍ବାହୀ ଅଧିକାରୀ ମାନସ ରଞ୍ଜନ ମଲ୍ଲିକ, କନିଷି ତହସିଲଦାର ପ୍ରଳାୟନନ୍ଦ ଶତପଥୀ, ରଙ୍ଗେଇଲୁଣ୍ଡା ବ୍ଲକ ବିଡ଼ିଓ ଅଂଶୁମାନ ମହାପାତ୍ର, ଗୋପାଳପୁର ନଗର ବିଜେପି ସଭାପତି ପଞ୍ଚୁ ବେହେରା, ବି ରାମାରାଓ, ଗୋପାଳପୁର କଲେଜ ଅଧ୍ୟକ୍ଷ ରାମନାରାୟଣ ପଣ୍ଡା, ଗୋପାଳପୁର ଏନ ଏ ସି ଅଧ୍ୟକ୍ଷ ଏ ଜାନକୀ ରାମଙ୍କ ସମେତ ସମସ୍ତ କାଉନସିଲର ଉପସ୍ଥିତ ରହି ଯୋଗ କରିଥିଲେ।
Comments are closed.