ସମ୍ବଲପୁର: ସ୍ଥାନୀୟ ମାନେଶ୍ୱରସ୍ଥିତ ମାନ୍ଧାତା ବାବା ମନ୍ଦିର ହୁଣ୍ଡି ଭାଙ୍ଗି ଲକ୍ଷାଧିକ ଟଙ୍କା ଲୁଟ ହୋଇଛି। ବିଳମ୍ବିତ ରାତିରେ କିଛି ଦୁର୍ବୃତ୍ତ ମନ୍ଦିର କବାଟରେ ଲାଗିଥିବା ତାଲାକୁ ଲୁହା ଛଡ ମାଧ୍ୟମରେ ଭାଙ୍ଗି ହୁଣ୍ଡିରୁ ଲୁଟ କରିଥିବା ଜଣାପଡ଼ିଛି। ମନ୍ଦିରରେ ଶୋଇଥିବା ୨ ଜଣ ଜଗୁଆଳି ଉଠିବା ବେଳକୁ ମନ୍ଦିର ହୁଣ୍ଡି ଭଙ୍ଗା ଯାଇଥିବା ଦେଖିବାକୁ ପାଇଥିଲେ। ତୁରନ୍ତ ସେମାନ ସଦର ଥାନାକୁ ଖବର ଦେବା ପରେ ସାଇନ୍ଟିଫିକ ଦଳ ଓ ସନ୍ଧାନୀ କୁକୁର ସହାୟତାରେ ତଦନ୍ତ ଆରମ୍ଭ କରାଯାଇଛି । ମନ୍ଦିର ଟ୍ରଷ୍ଟି ବିଧାନ ଚନ୍ଦ୍ର ପଣ୍ଡାଙ୍କ କହିବା ଅନୁଯାୟୀ, ହୁଣ୍ଡିରେ ଆନୁମାନିକ ୨ ଲକ୍ଷରୁ ଊର୍ଦ୍ଧ୍ବ ଦାନ ଟଙ୍କା ରହିଥିଲା । ଏଥି ସହ କିଛି ମୂଲ୍ୟବାନ ସାମଗ୍ରୀ ସୁନା, ରୂପା ଆଦି ମଧ୍ୟ ରହିଥିଲା । ଅପରପକ୍ଷରେ ମନ୍ଦିରରୁ ଚୋରି ଘଟଣାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି । ପୁଲିସର ଢ଼ିଲା ପାଟ୍ରୋଲିଂ ପାଇଁ ହିଁ ଚୋରଙ୍କ ସାହସ ବହୁଗୁଣିତ ହୋଇଛି ବୋଲି ଅଞ୍ଚଳବାସୀ ଶାନ୍ତି ସାହୁ, ରାମକୃଷ୍ଣ ବେହେରା, ଶିଲା ଯୋଗେନ୍ଦ୍ର, ଧ୍ରୃବ ରଣା, ରୂପଣ ଭୋଇଙ୍କ ସମେତ ମନ୍ଦିରର ପୂଜକମାନେ ଅଭିଯୋଗ କରିଛନ୍ତି।
Comments are closed.