ଆଠଗଡ଼: ଅବାଧ, ନିରପେକ୍ଷ ଓ ଶାନ୍ତିପୂର୍ଣ୍ଣ ନିର୍ବାଚନ ପାଇଁ ଏବଂ ନିର୍ବାଚନରେ ଟଙ୍କା ଓ ବିଭିନ୍ନ ବିଭିନ୍ନ ସାମଗ୍ରୀ ବଣ୍ଟନ କାର୍ଯ୍ୟରେ ରୋକ ଲଗାଇବା ପାଇଁ ବିଭିନ୍ନ ସ୍ଥାନରେ ଗାଡିମଟର ଯାଞ୍ଚ କରାଯାଉଛି। ଏହି ପରିପ୍ରେକ୍ଷୀରେ ଆଠଗଡ଼ ପାଇଁ ନିଯୁକ୍ତ ସହକାରୀ ଖର୍ଚ୍ଚ ପର୍ଯ୍ୟବେକ୍ଷକ ନିଲୟମ ଷଡଙ୍ଗୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏସଏସଟି ଦଳ ଗୁରୁଡ଼ିଝାଟିଆ ଅଞ୍ଚଳରେ ଯାଞ୍ଚ କରୁଥିବାବେଳେ ଏକ କାରରୁ ୩ ପେଟି ବିଦେଶୀ ମଦ ଜବତ କରିଥିଲେ। ଏକ ସ୍କୋଡା କାରରେ ୩ଟି ପେଟିରେ ନଂ୧ ରମ୍ ଚାଲାଣ କରାଯାଉଥିବାବେଳେ ଏସଏସଟି ଦଳର ମାଜିଷ୍ଟେଟ ପ୍ରୀତିଶ୍ରୀ ନାୟକ ଓ ଗୁରୁଡ଼ିଝାଟିଆ ପୁଲିସ ଏଏସଆଇ ବି ଦାସ ଓ ଅନ୍ୟମାନେ ଜବତ କରିଥିବା ଜଣାପଡ଼ିଛି। ଜବତ ମଦର ଆନୁମାନିକ ମୂଲ୍ୟ ୨୫ ହଜାର ୯୦୦ଟଙ୍କା ହେବ ବୋଲି ସହକାରୀ ଖର୍ଚ୍ଚ ପର୍ଯ୍ୟବେକ୍ଷକ ଶ୍ରୀ ଷଡଙ୍ଗୀଙ୍କ ସୁତ୍ରରୁ ପ୍ରକାଶ।
Comments are closed.