ବୌଦ୍ଧ: ଶ୍ରୀକ୍ଷେତ୍ର ପୁରୀରେ ଆସନ୍ତା ୧୭ ତାରିଖରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଲୋକାର୍ପଣ ଉତ୍ସବ ଅନୁଷ୍ଠିତ ହେବାକୁ ଥିବା ବେଳେ ସେଥିପାଇଁ ସାରା ରାଜ୍ୟରେ ଜୟ ଜଗନ୍ନାଥ ଅର୍ପଣ ରଥ ଗାଁ ଗାଁ ସହର ସହର ବୁଲି ଅରୁଆ ଚାଉଳ ଓ ଗୁଆ ସଂଗ୍ରହ କରୁଛି। ବୌଦ୍ଧଗଡ଼ ଏନଏସିରେ ଗତ ୯ ତାରିଖରେ ଏହି ଜୟ ଜଗନ୍ନାଥ ଅର୍ପଣ ରଥ ଶୁଭାରମ୍ଭ ହୋଇଥିବା ବେଳେ ପ୍ରଥମ ଦିନରେ ବୌଦ୍ଧଗଡ଼ ଏନଏସିର ୮ ନମ୍ବର ୱାର୍ଡର ରଥସାହି, ପୋଡାପୋଡା, ୯ ନମ୍ବର ୱାର୍ଡର ନୂଆଁସାହି, ରିଫ୍ୟୁଜି କଲୋନୀ. ବାପୁଜୀନଗରର ୧୦ ଓ ୧୬ ନମ୍ବର ୱାର୍ଡରେ ଘରକୁ ଘର ଯାଇ ଅରୁଆ ଚାଉଳ ଓ ଗୋଟିଏ ଗୁଆ ସଂଗ୍ରହ କରାଯାଇଥିଲା। ରବିବାର ଦିନ ଏହି ଅର୍ପଣ ରଥ ଏନଏସିର ୧୧,୧୨ ଓ ୧୭ ୱାର୍ଡର ଘର ଘର ବୁଲି ଥିଲା ଏବଂ ଅରୁଆ ଚାଉଳ ଓ ଗୁଆ ସଂଗ୍ରହ କରାଯାଇଥିଲା। ୧୧ ନମ୍ବର ୱାର୍ଡର ରାଜନପାଲି, ୧୨ ନମ୍ବର ୱାର୍ଡର ବୁଟୁପାଲି ଓ ୧୭ ନମ୍ବର ୱାର୍ଡର ବୁଟୁପାଲି ଓ ଥୁରାନାଳି ଅଂଚଳରେ ଅର୍ପଣ ରଥ ବୁଲି ଅରୁଆ ଚାଉଳ ଓ ଗୋଟିଏ ଗୁଆ ସଂଗ୍ରହ କରାଯାଇଥିଲା। ଏହି ସମୟରେ ସାହିଗୁଡିକରେ ମହିଳାମାନେ ନିଜ ଘର ସମ୍ମୁଖରେ ଗୋବରରେ ଲିପି କଳସ, ଦୀପ, ଆମ୍ବଡାଳ ଦେଇ ଅର୍ପଣ ରଥକୁ ସ୍ୱାଗତ କରିଥିଲେ ଏବଂ ଗୋଟିଏ ଗୁଆ, ମୁଠାଏ ଅରୁଆ ଚାଉଳ ସହିତ ଆଉ କେହି କେହି ତୁଳସୀ ସର୍ମଣ କରିଥିଲେ। ଏହି ସମୟରେ ଏନଏସି ଅଧ୍ୟକ୍ଷ ମୃତ୍ୟୁଞୟ ମିଶ୍ର, ଉପାଧ୍ୟକ୍ଷା ସୁଭାସିନୀ ସେଠୀ, କାଉନସିଲର ସୂର୍ଣ୍ଣଲତା ଦଳେଇ ପ୍ରମୁଖ କାଉନସିଲର ଓ ଏନଏସି କର୍ମଚାରୀ ଉପସ୍ଥିତ ଥିଲେ।
Popular Categories
Previous article
Next article