ବୌଦ୍ଧ: ଗତ ୮ ତାରିଖରେ ପୁରୁଣାକଟକ ଠାରେ ନିଯୁକ୍ତି ମେଳା ଅନୁଷ୍ଠିତ ହୋଇଥିଲା। ଏହି ମେଳାରେ ବେକାର ଯୁବକ ଯୁବତୀ ଅଂଶଗ୍ରହଣ କରିଥିଲେ। ଏଥିରେ ହରିଆନା ଗୁରଗାଓଁ ମାନେଶର ର ଏସ. କେ.ଏଚ. ଗ୍ରୁପର ଅଧିକାରୀମାନେ ଅଂଶଗ୍ରହଣ କରିଥିଲେ। ବୌଦ୍ଧର ଡିପ୍ଲୋମା ଛାତ୍ର ଚକ୍ରଧର ପ୍ରଧାନ, ରଜତ କୁମାର ଭୋକ୍ତା, ବିଶ୍ୱଜିତ ଦେହୁରୀ, ସଂବିତ ମହାପାତ୍ର, ଆଇ.ଟି. ଆଇ. ଛାତ୍ର ବିଭୁଦତ୍ତ ପଣ୍ଡିତ ମନୋନୀତ ହୋଇଥିଲେ। ମାସକୁ ପନ୍ଦର ହଜାର ଏବଂ ଖାଇବା ରହିବା ମାଗଣା ଦେଇ ସେମାନଙ୍କୁ ୬ ମାସ ତାଲିମ ଦିଆଯିବ। ପରବର୍ତ୍ତୀ ସମୟରେ କାର୍ୟ୍ୟାଧାରା ଆଧାରରେ ନିଯୁକ୍ତି ଦେବା ସହିତ ଉଚ୍ଚ ପଦ ପଦବୀରେ ରେଗୁଲାର ନିଯୁକ୍ତି ପତ୍ର ପ୍ରଦାନ କରାଯିବ। ନିଯୁକ୍ତି ପତ୍ର ବଣ୍ଟନ ସମୟରେ କମ୍ପାନୀର ଉପଦେଷ୍ଟା ଚିତ୍ତ ରଞ୍ଜନ ମିଶ୍ର, ବରିଷ୍ଠ ସାମ୍ବାଦିକ ରଜନୀକାନ୍ତ ଦାଶ, ଦେବାଶିଷ ପୁରୋହିତ, ବ୍ୟବସାୟୀ ପ୍ରମିଲ କୁମାର ଦଲାଲ ଉପସ୍ଥିତ ରହିଥିଲେ।
Comments are closed.